Nyamuk

Nitu adalah ngaran nang karancakan daripada kulawarga lalat pada order Diptera.

?Nyamuk
Aedes aegypti: Vector daripada Mariap dingin badarah wan mariap dingin kuning
Klasifikasi ilmiah
Karajaan: Animalia Filum: Arthropoda Kelas: Insecta Ordo: Diptera Upaordo: Nematocera Famili: Culicidae
[[{{{diversity link}}}|Diversitas]]
43 genera
Subfamilies
Anophelinae Culicinae

Nang binian ectoparasite: buhannya mandarat di hiwan darah panas, manambus kapilari, wan mahisap saliva gasan maampihi darah balikat. Imbahnya buhannya mahisap wan mamakan darah. Parasit mikroskopik nang mamatiakan rancak hidup di saliva.

Nang lakian pamakan nektar, biniannya iya jua. Tapi, wayah basisiap gasan mamacah hintalu, nang binian maubah darahnya jadi protein.

Rajin kaduanya, baik nyamuk lakian atawa binian makan nektar lawan jus tumbuhan. Banyak spesies pada hagian muntung binian bisa manambus kulimbit hiwan wan mahisap darah buhannya sawagai ektoparasit. Di banyak spesies, nang binian parlu dapat proten matan makan darah sawalum inya mahasilakan hintalu. Di spesies banyak lain, inya kawa baulah hintalu labih imbah makan darah.

Buhannya maandak hintalu di limbakan banyu. Larvae bagarak parak buncu muka banyu, bahinak jalan tabung banyu nang takaluar pada banyu. Buhannya dapat makanan matan banyu, rajin mamakan algae wan makhluk kacui nang lain. Larvae rajin masuk ka tahap pupa imbah babarapa hari pacah, tagantung suhu banyu wan spesiesnya.

Banyak spesies matan nyamuk. Ngini gara-gara nang mahisap darah baadaptasi lawan ampunnya nang balain-lain. Ada dua subfamili, 43 genera wan labih pada 3,500 spesies Culicidae.

Nyamuk adalah vector (pambawa) nang mana mambawa virus lawan parasit nang mambawa panyakit matan urang ka urang.

Kabanyakan nyamuk nang dipinandui urang itu mambawa panyakit mariap dingin kuning, mariap dingin badarah. wan malaria nang dibawa genera Anopheles wan Culex. Nyamuk maantar panyakit labih pada 700 juta urang tiap tahunnya di Afrika. Amerika Utara, Amerika Tangah, Meksiko, wan kabanyakan Asia lawan jutaan nang mati.

Nyamuk panuhanya nang dipinandui lawan anatomi modern didapat pada amber Kanadia matan Upper Cretaceous nang baumur 79 juta tahun. Dangsanak spesies nang tatuha lawan fitur nang labih primitip didapat di amber nang baumur 90 sampai 100 juta tahun.

Analisis genetika mamadahakan pada klade Culicinae wan Anophelinae bisa haja sudah tasabar kikira 150 juta tahun nang tadahulu. Spesies Anopheles The Old and New World dicayai sudah tasabar kikira 95 juta tahun tadahulu.