Wikipidia
Wikipidia (i/ˌwɪkᵻˈpiːdiə/ wik-IH-pee-DEE-ə atau i/ˌwɪkiˈpiːdiə/ wik-EE-pee-DEE-ə) adalah rangka gawian insiklupidia multibahasa dalam jaringan nang bibas wan tabuka, nang dijalanakan ulih Wiki Foundation, sabuah pahimpunan nirlaba nang babasis di Amirika Sarikat.
Ngaran Wikipidia dibibit matan gabungan kata wiki wan encyclopedia. Wikipidia dirilis wayah tahun 2001 ulih Jimmy Wales dan Larry Sanger, wan damini adalah karya bahan acuan pangganalnya, hancap bakambang, wan tasuhur di Intarnit. Rangka gawian Wikipidia batujuan gasan mambariakan ilmu pangatahuan manusia.
 | |
.png) Gambar layar lawang multibasa Wikipidia. | |
Jenis situs | Insiklupidia daring |
|---|---|
| Basa | 275 edisi aktip (jumlah 300 edisi) |
| Anggit | Wiki Foundation |
| Pancipta | Jimmy Wales, Larry Sanger |
| Sambuyan | The Free Encyclopedia |
| Tungkaran web | www.wikipedia.org |
| Paringkat Alexa |  5 (Global, Januari 2019[update]) |
| Padagangan | Kada |
| Daptar akun | Opsional |
| Dilungsurakan | 15 Januari 2001 |
| Satatus | Aktip (salawasan dalam runtunan digawi) |
Sajarah
Wiki bamula sabagai proyek sampingan Nupedia barupa insiklupidia bibas daring nang artikalnya ditulis ulih bubuhan ahli. Larry Sanger, nang mandiri'akan Nupedia lawan Jimmy Wales, manimbai ide kisah insiklupidia babasis wiki pas 10 Januari 2001 di milis Nupedia. Imbah ngitu pas 15 Januari 2001, Wikipedia sacara rasmi dilungsurakan di situs web www.wikipedia.com.
Kaistimiwaan
Kaistimiwaan Wikipidia adalah suwalih manyurungakan maklumat nang rancak didapati di dalam sabuting insiklupidia, Wikipidia mamuat jua artikal-artikal nang rancaknya didapatakan di dalam almanak, majalah sapasialis, wan bahan-bahan pamandiran habar nang masih langat. Banyak urang nang mamakai Wikipidia ngini gasan manuntungakan tugas wan gawian rumah.[rujukan?]
Wikipidia panambaiannya sabagai rangka gawian higa'an Nupedia, insiklupidia bibas daring nang artikalnya ditulis ulih buhan ahli. Larry Sanger, nang mandiriakan Nupedia lawan Jimmy Wales, mamandirakan gagasan sual insiklupidia babasis wiki wayah 10 Januari 2001 di milis Nupedia . Imbah ngitu pada 15 Januari 2001, Wikipidia sacara rasmi dilungsurakan.
Logo Wikipidia
-
Logo standar versi 2.0 (png) -
Logo standar versi 2.0 (svg) -
Logo lama
Kasuhuran wan paharagaan
Saban bulan, tadapat labih matan 18 miliar nang bailang ka palatar (page view) wan labih matan 500 juta ID unique visitor nang mamasuki Wikipidia. Lawan jumlah ngini Wikipidia parak manyaingi katasuhuran tungkaran web Yahoo, Facebook, Microsoft, wan Google. Pas Januari 2016, Wikipedia jadi situs web tapapulir kapitung di dunia. Wikipedia sudah jua mandapatakan paharagaan ligar di tingkat antarabangsa, hal ngini dibuktiakan lawan paharagaan-paharagaan ngini sebagai:
- The Golden Nica Award 2004
- Webby Award 2004
- Quadriga Award 2008
- Erasmus Prize 2015
- Princess of Asturias Award 2015
Catatan Batis
This article uses material from the Wikipedia Bahasa Banjar article Wikipidia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.