गुड़मार (अंग्रेजी: Gymnema sylvestre, जिम्नेमा सिल्वेस्ट्री ) एक किसिम के लकड़ी वाली लता होखे ले जे एशिया (अरब प्रायदीप के साथे), अफिरका आ आस्ट्रेलिया के मूल निवासी पौधा हवे। ई आयुर्वेद में दवाई के कामे आवे ला। अंग्रेजी में एकर आम चलन के नाँव जिम्नेमा हवे। एकरे अलावा एकरा के आस्ट्रेलियन काऊप्लांट आ पेरीलोका ऑफ़ द वुड्स कहल जाला। भोजपुरी आ हिंदी नाँव गुड़मार एकरे एह खासियत के कारन परल हवे कि एकर पतई चबा के खा लिहले पर काफी देरी ले मिठास के सवाद के पता ना लागे ला।
गुड़मार | |
---|---|
Gymnema sylvestre, भारत के पूरबी घाट में | |
बैज्ञानिक वर्गीकरण | |
किंगडम: | प्लेंटाई (Plantae) |
क्लैड (Clade): | एंजियोस्पर्म (Angiosperms) |
क्लैड (Clade): | यूडिकॉट्स (Eudicots) |
क्लैड (Clade): | एस्टराइड (Asterids) |
ऑर्डर (Order): | Gentianales |
परिवार: | Apocynaceae |
जाति (Genus): | Gymnema |
प्रजाति: | G. sylvestre |
दूपद नाँव | |
Gymnema sylvestre R. Br. |
एकरे पतई आ एकरा से निकालल जाए वाला सत में जिम्नेमिक एसिड होखे ला, इहे ऊ प्रमुख चीज हवे जे जीभ के सवाद चीन्हे वाला रिसेप्टर सभ के साथे रिएक्शन करे ला आ कुछ समय खातिर जीभ पर मीठ सवाद के पता चलल बंद करा देला।
आयुर्वेद आ देसी खर-बीरो वाला सिस्टम में दावा कइल जाला कि ई पौधा शूगर के बेमारी में लाभ पहुँचावे ला।
This article uses material from the Wikipedia भोजपुरी article गुड़मार, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.