नेहा सिंह राठौर एगो लोक गायिका बाड़ी। महंगाई, भ्रष्टाचार, गरीबी आ सरकार के बिफलता पर गीतन के माध्यम से सवाल आ व्यंग्य करेली। राठौर बिहार के कैमूर जिला के निवासी हई। उनकर गाना बिहार में का बा?, यूपी में का बा? आ यूपी में का बा? भाग 2 काफी वायरल भइल बाड़ें।राठौर आपन गीत भोजपुरी भाषा में गावेली।
नेहा सिंह राठौर | |
---|---|
जनम | 1997 कैमूर, बिहार, भारत |
बिधा | भोजपुरी लोक गीत |
पेशा सभ | लोक गायिका |
सक्रियता | 2018-अबतक ले |
लेबल सभ | NSR |
वेबसाइट | यूट्यूब चैनल |
नेहा सिंह राठौर के जनम साल 1997 में बिहार के कैमूर जिला के एगो मध्यम वर्गीय परिवार में भईल रहे। नेहा एगो सार्वजनिक हस्ती बन गइली जब उनकर एगो लोकगीत " इलाहाबाद विश्वविद्यालय" पर रचल गइल, आ वायरल हो गइल, साथे-साथ राठौर बिबादो में आ गइली। ओकरा बाद एगो अउरी गाना “रोजगार देबा की करबा डरामा” रिलीज भइल आ यूट्यूब पर वायरल भइल, ई गीत बिहार आ यूपी के बेरोजगार नवहियन खातिर बनावल गइल रहल।
नेहा सिंह राठौर तब विवाद में अइली जब ऊ कोरोना काल में योगी सरकार पर व्यंग्य कइली कि यूपी में का बा ? एकरा माध्यम से उ कोरोना काल के सिस्टम, हाथरस के घटना आदि गंभीर मुद्दा उठवले रहली।
नेहा सिंह राठौर दूसरा बार विवाद में अइली जब उनके गाना यूपी में का बा? भाग 2 कानपुर देहात के दीक्षित परिवार के घटना पर व्यंग्य के रूप में गावल गइल। एकरा बाद पुलिस उनुका के नोटिस सौंप देलस आ कुछ सवालन के जबाब तलब कइलस।
This article uses material from the Wikipedia भोजपुरी article नेहा सिंह राठौर, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.