बैकाल झील (अंग्रेजी: Baikal lake) चाहे बयकाल झील (रूसी: о́зеро Байка́л ओज़ेरो बयकाल, बुर्यात भाषा: Байгал нуур बयगाल नुउर; मतलब: प्रकृति क झील) रूस में मौजूद एगो ताजा (मीठा) पानी के झील बा। ई दुनिया क सबसे गहिरी झील हवे आ दुनिया में सबसे बड़हन ताजा पानी क झील भी हवे। रिफ्ट झील के उदाहरण ई झील दुनियाँ के सभसे पुरान झील सभ में सामिल हवे।
बैकाल झील Lake Baikal | |
---|---|
लोकेशन | साइबेरिया, रूस |
निर्देशांक | 53°30′N 108°0′E / 53.500°N 108.000°E 108°0′E / 53.500°N 108.000°E |
झील प्रकार | रिफ्ट झील |
आगम | सेलेंगा नदी, बार्गुझिन नदी, ऊपरी अंगारा नदी |
निकास | अंगारा नदी |
थाला | 560,000 किमी2 (6.027789833×1012 वर्ग फु) |
थाला के देस | रूस आ मंगोलिया |
अधिकतम लंबाई | 636 किमी (395 मील) |
अधिकतम चौड़ाई | 79 किमी (49 मील) |
सतह क्षेत्र | 31,500 किमी2 (3.39×1011 वर्ग फु) |
औसत गहिराई | 744.4 मी (2,442 फीट) |
अधिकतम गहिराई | 1,642 मी (5,387 फीट) |
आयतन | 23,615.39 किमी3 (5,670 घन मील) |
जलनिवास समय | 330 years |
किनारा के लंबाई1 | 2,100 किमी (1,300 मील) |
सतह ऊँचाई | 455.5 मी (1,494 फीट) |
जम जाले | जनवरी–मई |
दीप | 27 (ओल्खोन दीप) |
आबादी | सेवेरोबैकाल्स्क, स्लाईयुदाइंका, बैकाल्स्क, उस्त-बार्गुझिन |
पैमाना | प्राकृतिक: vii, viii, ix, x |
संदर्भ | 754 |
इंस्क्रिप्शन | 1996 (20वाँ सेशन) |
रकबा (एरिया) | 8,800,000 हे॰ |
1 किनारा के लंबाई कौनो सटीक माप ना हवे। |
बैकाल झील रूस देस के साइबेरिया इलाका के दक्खिनी हिस्सा में बाटे। ई रूस के संघीय राज्य इर्कुत्स्क ओब्लास्त (Irkutsk Oblast) आ बुर्यातिया (Buryatia) में स्थित बाटे। एकरे थाला में, मने कि जहाँ तक के पानी बह के एह में गिरे ला ओह बेसिन में रूस देस आ मंगोलिया के कुछ हिस्सा आवे लें।
कुल 23,615.39 किमी3 (5,670 घन मील) पानी वाली ई झील, पानी में मात्रा भा अपने आयतन के हिसाब से दुनियाँ के सभसे बड़हन ताजा पानी के झील हवे, भले कैस्पियन सागर कुल पानी के मामिला में सभसे बिसाल होखे, ओकर पानी खारा पानी हवे; पृथिवी के ध्रुवन पर के आ ऊँच पहाड़न पर के बरफ आ जमीन भीतरी मीठा पानी के हटा दिहल जाय, तब धरती के कुल सतह पर मौजूद ताजा पानी के 22-23 % हिस्सा यही झील में बा जे अमेरिका के बिसाल झील (ग्रेट लेक्स) के सगरी पानी से बेसी बाटे। ई दुनियाँ के सभसे गहिरी झील भी हवे जेकर गहिराई 1,642 मी (5,387 फीट) हवे दुनियाँ के सभसे प्राचीन झील भी हवे, जेकर उमिर 25-30 मिलियन बरिस (अढ़ाई-तीन करोड़ साल) अनुमानित कइल गइल बा। बैकाल झील के कुल सतह के रकबा 31,722 किमी2 (12,248 वर्ग मील) हवे—पूरा बेल्जियम देस से कुछ बेसिए, चाहे भारतीय राज्य मेघालय (22,429 वर्ग किलोमीटर) से काफी बड़ बाटे—आ एह तरीका से ई सतह के रकबा के हिसाब से दुनियाँ के सातवीं सभसे बड़हन झील हवे। इ झील दुनियाँ के सभसे साफ़ (किलियर देख्लाई पड़े वाला पानी वाली) झील सभ में भी गिनल जाले।
बैकाल झील हजारन गो पौधा आ जानवरन के प्रजाति सभ के निवास के जगह हवे जेह में बहुत सारा एहिजे के मूल निवासी प्रजाति हईं। इ बुर्यात जनजाति के लोगन के मूल अस्थान हवे जे लोग बकरी, ऊँट, मवेशी, भेड़ आ घोड़ा पोसे ला आ एह झील के पुरुबी तीरे के इलाका में रहे ला, जहाँ औसत तापमान जाड़ा के मिनिमम तापमान −19 °C (−2 °F) से गर्मी के अधिकतम 14 °C (57 °F) तक ले होला।
बैकाल के पूरुब के इलाका ट्रांसबैकालिया चाहे ट्रांसबैकाल (मने, बैकाल पार के इलाका) के नाँव से जानल जाला, आ एह झील के आसपास के इलाका कुछ मोटा-मोटी परिभाषित क्षेत्र के रूप में बैकालिया के नाँव से जानल जाला। यूनेस्को द्वारा एह झील के बिस्व धरोहर स्थल सभ में 1996 में शामिल कइल गइल।
This article uses material from the Wikipedia भोजपुरी article बैकाल झील, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.