हिंदू धर्म: भारतीय धर्म

हिंदू धर्म जीवन शैली, भा धर्म बा जौना के माने वाला लोग प्रमुख रूप से दक्खिन एशिया में बा। हिंदू धर्म के दुनियाँ के सभसे पुरान धर्म मानल जाला, आ कुछ अनुयायी आ बिद्वान लोग एकरा के सनातन धर्म, हमेशा से मौजूद परंपरा भा शास्वत मार्ग के रूप में माने ला जे मानवता के इतिहास से भी पुराना समय से मौजूद होखे। बिद्वान लोग हिंदू धर्म के फ़्यूजन भा संश्लेषण माने ला जेह में कईयन गो भारतीय परंपरा आ रिवाज सभ के मेलजोल भइल होखे, जिनहन के अलग-अलग मूल रहल आ केहू एगो संस्थापक भा प्रवर्तक ना रहल बा। ई हिंदू संश्लेषण वैदिक काल (1500 ईसापूर्व से 500 ईसा पूर्व) के बाद 500 ईपू आ 300 ईसवी के बीच सुरू भइल।