रामसर कन्वेंशन

रामसर कन्वेंशन

रामसर कन्वेंशन ऑन वेटलैंड्स ऑफ़ इंटरनेशनल इम्पोर्टेंस इस्पेशियली एज वाटरफाउल हैबिटाट
रामसर के लोगो
Signed	2 फरवरी 1971 (वल्ड वेटलैंड्स डे मनावल जाला)
Location	रामसर (ईरान)
Effective	21 दिसंबर 1975
Condition	7 स्टेट सभ द्वारा रैटीफिकेशन
Signatories	23
Parties	172
Depositary	यूनेस्को क डाइरेक्टर जनरल
Languages	अंग्रेजी (जहाँ बिबिधता के केस होखे), फ्रेंच, जर्मन, रशियन, आ स्पैनिश

हर तीन साल पर, कांट्रैक्ट करे वाला पक्ष सभ के प्रतिनिधि लोग कॉन्फ्रेंस ऑफ़ पार्टीज (COP) के रूप में मिले ला, ई सम्मेलन के नीति निर्माता अंग हवे जे सम्मेलन के काम के मैनेजमेंट आ सुधार खातिर निर्णय (साइट सभ के नाँव, संकल्प आ सिफारिश) अपनावे ला जवना तरीका से पार्टी सभ एकरे उद्देश्य सभ के लागू करे में सक्षम होखे लीं। 2022 में चीन के वुहान आ स्विट्जरलैंड के जिनेवा में सीओपी14 के आयोजन भइल।

ई समझौता 2 फरवरी के साइन भइल रहल आ एही कारन 2 फरवरी के अंतर्राष्ट्रीय नमभूमी दिवस मनावल जाला। भारत अपना आजादी के 75 वाँ बरिस में कुल 75 गो वेटलैंड सभ के रामसर साइट के रूप में नामित क के एगो महत्वपूर्ण उपलब्धी हासिल कइले बाटे।

2016 तक ले 18 गो ट्रांस-बाउंड्री रामसर साइट बाड़ी सऽ, आ 15 गो रामसर क्षेत्रीय पहल बाड़ी सऽ जेह में भूमध्यसागरीय, एशिया, अफिरका, आ दक्खिन अमेरिका के इलाका सभ के सामिल कइल गइल बा।

रामसर कन्वेंशन छह गो संगठनन के साथे मिलजुल के काम करेला जेकरा के अंतर्राष्ट्रीय संगठन साझेदार (आईओपी) के नाम से जानल जाला। ई सभ हवें:

• बर्डलाइफ इंटरनेशनल
• प्रकृति संरक्षण खातिर अंतर्राष्ट्रीय संघ (IUCN)
• अंतर्राष्ट्रीय जल प्रबंधन संस्थान (आईडब्ल्यूएमआई)
• वेटलैंड्स इंटरनेशनल
• डब्ल्यूडब्ल्यूएफ इंटरनेशनल
• वाइल्डफाउल & वेटलैंड्स ट्रस्ट (WWT)

ई संगठन बिसेसज्ञता वाली तकनीकी सलाह दे के, फील्ड स्टडीज के लागू करे में मदद करे, आ आर्थिक सहायता दे के एह कन्वेंशन के काम के सपोर्ट करे लें। आईओपी दल सभ के कन्वेंशन के सगरी बइठकन में पर्यवेक्षक का रूप में आ वैज्ञानिक आ तकनीकी समीक्षा पैनल के पूरा सदस्य का रूप में भी नियमित रूप से भाग लेला।

• वल्ड वेटलैंड्स डे - हर साल एही कन्वेंशन के उपलक्ष में मनावल जाला।
• क्योटो प्रोटोकाल
• मोंट्रियल प्रोटोकाल