Гульні Краін Снд 2023

Усяго падчас гульняў разыгрываліся 246 камплектаў медалёў у 20 відах спорту.

Гульні праходзілі ў адкрытым фармаце, гэта значыць іх удзельнікамі маглі стаць прадстаўнікі краін, якія не ўваходзяць у СНД. Гэтым скарысталіся 13 дзяржаў.

13 сакавіка 2023 года на пасяджэнні аргкамітэта па забеспячэнні падрыхтоўкі і правядзення ў Беларусі міжнародных спартыўных спаборніцтваў зацвердзілі талісман і лагатып II гульняў краін СНД. Іх распрацоўкай займаўся Нацыянальны алімпійскі камітэт.

Лагатып спаборніцтва аб’яднаў традыцыйныя элементы — васьміканцовая зорка, якая расквітае ў васілёк — адзін з даўніх сімвалаў Беларусі. Лагатып выкананы пераважна ў сінім і блакітным — васільковых колерах, а таксама ў ім увасоблены і іншыя колеры алімпійскіх кольцаў — чорны, чырвоны, жоўты, зялёны.

Талісманам гульняў абраная рысь па імені Рыся. Узоры на целе талісмана натхнёныя творчасцю беларускай мастачкі Алены Кіш, якія адсылаюць да стылю народных размаляваных насценных дываноў.

Спаборніцтвы прайшлі па 20 відах спорту, у адпаведнасці са стандартамі сучаснай праграмы Летніх Алімпійскіх гульняў:

• Мінск — лёгкая атлетыка, валейбол, гімнастыка мастацкая, стральба кулявая, пляжны футбол, баскетбол 3х3 (стрытбол), сучаснае пяцібор’е, міні-футбол
• Брэст — гандбол, плаванне
• Віцебск — тайландскі бокс
• Гомель — дзюдо
• Гродна — хакей на траве, цяжкая атлетыка
• Магілёў — стральба з лука, каратэ
• Барысаў — міні-футбол
• Жлобін — самба
• Маладзечна — пляжны валейбол
• Орша — бокс
• Салігорск — спартыўныя барацьба (вольная барацьба, барацьба грэка-рымская, барацьба жаночая)

Краіна	Золата	Срэбра	Бронза	Разам
Расія	149	89	50	288
Беларусь	48	78	110	236
Узбекістан	28	25	53	106
Азербайджан	10	17	35	62
Казахстан	7	14	32	53
Арменія	2	2	4	8
Кыргызстан	1	8	18	27
Таджыкістан	1	3	9	13
В’етнам	0	5	2	7
Туркменістан	0	3	15	18
Іран	0	1	1	2
Манголія	0	1	0	1
Егіпет	0	0	4	4
Куба	0	0	1	1
Ліван	0	0	0	0
ААЭ	0	0	0	0
Пакістан	0	0	0	0
Бахрэйн	0	0	0	0
Малайзія	0	0	0	0
Кувейт	0	0	0	0
Аман	0	0	0	0
Венесуэла	0	0	0	0

Станам на 13 жніўня 2023 года каманды Лівана, ААЭ, Пакістана, Бахрэйна, Малайзіі, Кувейта, Амана і Венесуэлы заставаліся без медалёў.