Газ (фр.: gaz, прапанавана галандскім вучоным Я. Б. Гельмантам) — агрэгатны стан рэчыва, у якім яго часціцы ўзаемадзейнічаюць слаба і рухаюцца свабодна па ўсім аб’ёме, у якім знаходзяцца.
Газы шырока распаўсюджаныя ў прыродзе, яны ўтвараюць атмасферу Зямлі, у значнай колькасці ўтрымліваюцца ў цвёрдых пародах, раствораны ў вадзе мораў, акіянаў, азёраў, рэкаў. Сонца, іншыя зоркі, міжзорнае рэчыва, складаюцца з газу або плазмы. У прыродных умовах газы звычайна сустракаюцца ў выглядзе сумесі хімічна індывідуальных газаў (напрыклад, паветра).
Для газаў характэрная адсутнасць захавання формы і аб'ёму, значная залежнасць уласцівасцей ад тэмпературы і ціску. Для апісання гэтых залежнасцей у фізіцы распрацаваныя газавыя законы. Кожнае рэчыва можна перавесці ў газападобны стан стварэннем адпаведнага ціску і тэмпературы (глядзі Фазавы пераход).
Таксама: Апісанне сукупнасці аб'ектаў, якія ўзаемадзейнічаюць падобна да малекулаў газу (напрыклад, «электронны газ» для валентных электронаў у металах, фаноны ў вадкім геліі, «бозэ-газ» элементарных часціц з цэлым спінам і да т.п.).
Газ на Вікісховішчы |
This article uses material from the Wikipedia Беларуская article Газ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.