Тэрмадынамічная Фаза
Тэрмадынамі́чная фа́за — тэрмадынамічна аднастайная па складзе і ўласцівасцях частка тэрмадынамічнай сістэмы, аддзеленая ад іншых фаз паверхнямі раздзела, на якіх скокам змяняюцца некаторыя ўласцівасці сістэмы.
Іншае вызначэнне: Фаза - гамагенная частка гетэрагеннай сістэмы. У аднакампанентнай сістэме розныя фазы могуць быць прадстаўлены рознымі агрэгатнымі станамі або рознымі паліморфнымі мадыфікацыямі рэчыва. У шматкампанентнай сістэме фазы могуць мець розны склад і структуру.
Асноўныя паняцці
Газ заўсёды складаецца з адной фазы, вадкасць можа складацца з некалькіх вадкіх фаз рознага складу (Ліквацыя, вадкасная нязмешваемасць), але двух розных вадкасцяў аднаго складу ў раўнавазе суіснаваць не можа. Рэчыва ў цвёрдым стане можа складацца з некалькіх фаз, прычым некаторыя з іх могуць мець аднолькавы склад, але розную структуру (паліморфныя мадыфікацыі, алатропія).
Розныя фазы валодаюць рознымі варыянтамі ўпакоўкі малекул (для крышталічных фаз, рознымі крышталічнымі рашоткамі), і, такім чынам, сваімі характэрнымі значэннямі каэфіцыента сціскальнасці, каэфіцыента цеплавога пашырэння і іншымі характарыстыкамі. Акрамя таго, розныя фазы могуць валодаць рознымі электрычнымі (сегнетаэлектрыкі), магнітнымі (ферамагнетыкі), і аптычнымі ўласцівасцямі (напрыклад, цвёрды кісларод).
Гл. таксама
- Правіла фаз
- Пераахаладжэнне
- Перагрэў
- Phase-change Dual — тэхналогія запісу аптычных дыскаў, заснаваная на падвойнай змене фазавага стану рэчыва.
This article uses material from the Wikipedia Беларуская article Тэрмадынамічная фаза, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.