Помнік грамадзянскай архітэктуры | |
Палац Радзівілаў | |
Палац Радзівілаў на Пушкарні | |
Краіна | Летува |
Места | Вільня |
Палац Радзівілаў — помнік архітэктуры XVI стагодзьдзя ў Вільні. Знаходзіўся ў Старым Месьце на Пушкарні, на паўночны захад ад Ніжняга замка, на беразе ракі Вяльлі. Твор архітэктуры рэнэсансу.
Утвараў адзіны комплекс з палацам Барбары Радзівіл і гаспадарчымі пабудовамі, аточаны мурам з брамай, дзьвюма круглымі і квадратнай вежай.
Мураваны палац на Пушкарні збудаваў, відаць, у першай палове XVI ст. гетман вялікі Юры Радзівіл. Пазьней палац перайшоў да яго сына Мікалая Радзівіла «Рудога». Пазьней у складзе комплексу збудавалі палац Барбары Радзівіл.
Выява палацу зьмяшчаецца на мэдалі 1626 году, таксама захаваліся пляны, створаныя ў XVIII ст.
Па трэцім падзеле Рэчы Паспалітай (1795 год), калі Вільня апынулася ў складзе Расейскай імпэрыі, палац праіснаваў прыкладна да сярэдзіны XIX ст. (датаваньне апошніх яго выяваў).
Помнік архітэктуры рэнэсансу. Гэта быў 3-павярховы будынак з багата аздобленымі фасадамі. На вышыню да другога паверха падымаліся паўкалёны іянічнага ордэра. Паміж іх разьмяшчаліся вокны, на першым паверсе квадратныя, на другім — сьпічастыя. Трэці паверх аздабляўся аркадай з паўкруглых арак. Да паўночна-заходняга кута палаца далучалася круглая вежа з адкосам у ніжняй частцы, што мела круглыя і паўцыркульныя байніцы.
This article uses material from the Wikipedia Беларуская (тарашкевіца) article Палац Радзівілаў (Пушкарня), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.