Міраслаў Лазоўскі: беларускі грамадзка-палітычны дзяяч

Міраслаў Лазоўскі
Дата нараджэньня	10 ліпеня 1973(1973-07-10)
Месца нараджэньня	Менск, БССР, СССР
Дата сьмерці	16 траўня 2023(2023-05-16) (49 гадоў)
Месца сьмерці	Бахмут, Данецкая вобласьць, Украіна
Месца вучобы	Беларускі нацыянальны тэхнічны ўнівэрсытэт
Занятак	палітык
Месца працы	Кнігазбор[d]
Узнагароды

Вікіпэдыя мае артыкулы пра іншых асобаў з прозьвішчам Лазоўскі (неадназначнасьць).

Нарадзіўся ў Менску. Маці паходзіць са Случчыны, бацька — з роду Лазоўскіх зь вёскі Гаі на Магілёўшчыне.

У 1995 годзе ўступіў у «Беларускае згуртаваньне вайскоўцаў», пасьля стаў адным з заснавальнікаў «Белага легіёну». У 2006 годзе ўдзельнічаў у прэзыдэнцкіх выбарах у складзе каманды Аляксандра Казуліна.

У сакавіку 2000 году быў першым асуджаным паводле артыкулу 167.10 КаАП Беларусі («дзейнасьць ад імя незарэгістраваных ці не перарэгістраваных палітычных партыяў, прафэсійных саюзаў ці іншых грамадзкіх аб’яднаньняў»).

Затрымліваўся ў ліпені 2008 году па падазрэньні ў датычнасьці да выбуху 4 ліпеня на Дзень незалежнасьці. У 2017 годзе затрыманы па так званай «справе патрыётаў». Празь некалькі месяцаў вызвалены. У тым жа годзе 8 верасьня ажаніўся зь Сьвятланай.

Працаваў інжынэрам матэрыяльна-тэхнічнага забесьпячэньня, пасьля ў выдавецтве «Кнігазбор».

Пасьля пратэстаў 2020 року зьехаў ва Ўкраіну, ваяваў у беларускім добраахвотніцкім аддзеле з расейскімі агрэсарамі. За адвагу ў баях быў узнагароджаны беларускім Мэдалём за баявыя заслугі.

Загінуў падчас баёў пад Бахмутам.

Быў пасьмяротна ўзнагароджаны Ордэнам Жалезнага рыцара.

1-га лютага 2024 г. стала вядома, што ў горадзе Роўна назвалі вуліцу ў гонар Міраслава Лазоўскага.

• Сьпіс беларусаў, якія загінулі за Ўкраіну

• Персона. Міраслаў Лазоўскі: нацыяналізм — здаровая ідэалогія Telegraf.by