Мэдаль За Баявыя Заслугі: узнагарода БНР
Мэдаль за баявыя заслугі — баявая ўзнагарода Беларускай Народнай Рэспублікі, якая ўручаецца Радай БНР.
| Мэдаль БНР за баявыя заслугі | |||
| |||
| Арыгінальная назва | Мэдаль за баявыя заслугі | ||
|---|---|---|---|
| Дэвіз | “Virtute et Gladio” (“Адвагаю і мячом” на лацінскай мове) | ||
| Краіна | .svg){kind=small} Беларуская Народная Рэспубліка | ||
| Тып | узнагарода[d] | ||
| Каму ўручаецца | Удзельнікам беларускіх збройных сілаў і службаў, прыроўненых да вайсковых, у тым ліку беларускіх партызанскіх аддзелаў і беларускіх вайсковых аддзелаў у складзе замежных войскаў, а таксама іншым катэгорыям | ||
| Падставы ўзнагароджаньня | Асабістая адвага, праяўленая ў абставінах, зьвязаных з рызыкай для жыцьця і з абаронай свабоды, сувэрэнітэту й дэмакратычнага канстытуцыйнага ладу Беларусі на грунце ідэалаў 25 сакавіка | ||
| Статус | уручаецца | ||
| Статыстыка | |||
| Дата заснаваньня | 21 студзеня 2023 г. | ||
| Першае ўзнагароджаньне | 1 лютага 2023 г. | ||
| Чарговасьць | |||
| Старэйшая ўзнагарода | Ордэн Зялезнага рыцара | ||
.jpg)
Падставы для ўзнагароджаньня
Мэдаль уручаецца за асабістую адвагу, праяўленую ў абставінах, зьвязаных з рызыкай для жыцьця і з абаронай свабоды, сувэрэнітэту й дэмакратычнага канстытуцыйнага ладу Беларусі на грунце ідэалаў 25 сакавіка. У прыватнасьці, ён уручаецца пры выкананьні вайсковага і службовага абавязку, у баях і пры выкананьні спэцыяльных заданьняў у нацыянальных інтарэсах Беларусі.
Гісторыя
Статут Мэдаля зацьверджаны Старшынёй Рады БНР Івонкай Сурвіллай 21 студзеня 2023 г. Назва і дызайн узнагароды адсылаюць да орэну Virtuti Militari часоў Рэчы Паспалітай. На гэты ордэн таксама спасылецца дызайн знаку Ордэну Жалезнага рыцара, які быў заснаваны ў 1949 г. і ў сыстэме ўзнагародаў БНР зьяўляецца вышэйшай узнагародай адносна Мэдаля за баявыя заслугі.
Першымі мэдаль атрымалі 22 байцы Палку імя Кастуся Каліноўскага, у тым ліку Дзяніс Урбановіч, Міраслаў Лазоўскі і Павал Шурмей. Цырымонія ўручэньня мэдалёў адбылася 9 сакавіка 2023 г. і апісвалася як першая вядомая цырымонія уручэньня беларускіх дзяржаўных узнагародаў за адвагу на полі боя з часоў Рэчы Паспалітай.
8 верасня 2023 года, на Дзень беларускай вайсковай славы, Рада БНР узнагародзіла 14 беларускіх добраахвотнікаў. Былі адзначаныя сем байцоў палка Каліноўскага, шэсць чалавек з 1-й Асобнай дэсантна-штурмавой роты і адзін баец вайсковаей часткі А2167 УСУ.
Крыніцы
This article uses material from the Wikipedia Беларуская (тарашкевіца) article Мэдаль за баявыя заслугі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.