Іван Лепешаў: беларускі мовазнавец

Іскозы, Дубровенскі раён, цяпер Віцебская вобласьць, Беларусь — 12 кастрычніка 2014; Горадня, Беларусь) — беларускі мовазнавец. Доктар філялягічных навук, прафэсар. Вэтэран Вялікай Айчыннай вайны, мае раненьні, узнагароджаны ордэнам Вялікай Айчыннай вайны II ступені, мэдалямі «За адвагу», «За баявыя заслугі», «За ўзяцьце Кёнігсбэрга» і інш.

Іван Лепешаў
Дата нараджэньня	23 кастрычніка 1924(1924-10-23)
Месца нараджэньня	вёска Іскозы, Дубровенскі раён, Беларуская ССР, СССР
Дата сьмерці	12 кастрычніка 2014(2014-10-12) (89 гадоў)
Месца сьмерці	Горадня, Беларусь
Месца пахаваньня	Гарадзкія могілкі ў Аульсе (Горадня)
Месца вучобы	Гарадзенскі пэдагагічны інстытут (1959)
Занятак	літаратуразнаўца, філёляг
Навуковая сфэра	Мовазнаўства
Месца працы	Гарадзенскі дзяржаўны ўнівэрсытэт імя Янкі Купалы
Вядомы як	Аўтар 2-томнага «Фразэалягічнага слоўніка беларускай мовы» (1993, 2008)
Навуковая ступень	доктар філялягічных навук[d]
Узнагароды

У 1948 годзе скончыў Аршанскі настаўніцкі інстытут, затым працаваў выкладчыкам беларускай мовы ў Сьвіслацкай сярэдняй школе Гарадзенскай вобласьці.

Быў беспадстаўна рэпрэсаваны, а пасьля рэабілітаваны ў 1963 годзе за адсутнасьцю віны, працаваў рознарабочым у лягерах Прыморскага краю (1949—1955).

З 1956 году працаваў настаўнікам беларускай і расейскай моваў і літаратураў у школах Шчучынскага раёну. Завочна скончыў (на выдатна) філялягічны факультэт Гарадзенскага пэдагагічнага інстытуту (1959) і асьпірантуру ў Менскім пэдінстытуце (1971). Працуючы ў школе, апублікаваў у выдавецтве «Народная асьвета» дзьве кнігі, напісаў кандыдацкую дысэртацыю. Узнагароджаны знакам «Выдатнік народнай асьветы».

З 1971 году — у Гарадзенскім пэдінстытуце (пасьля ўнівэрсытэце) спачатку выкладчыкам, затым дацэнтам (1973), прафэсарам (1986).

Дасьледаваў фразэалёгію і парэміялёгію, мову мастацкай літаратуры, культуру маўленьня і стылістыкі. Аўтар 520 навуковых, навукова-мэтадычных публікацыяў, працы «Литературно-краеведческий кружок», больш як 40 кніг («Этымалагічны слоўнік фразеалагізмаў», «Лінгвістычны аналіз тэксту», «У пошуках ісціны», «Надзённае», суаўтар «Практыкуму па беларускай мове» ды інш.).

Памёр 12 кастрычніка 2014 году.

• Этымалягічны слоўнік фразэалягізмаў. — Менск: Народная асьвета, 1981. — Т. 1. — 160 с.
• І. Я. Лепешаў. З народнай фразеалогіі. Дыферэнцыяльны слоўнік. — Мінск: Вышэйшая школа, 1991. — 110 с. — 2400 ас. — ISBN 5-339-00581-X
• І. Я. Лепешаў. Фразэалягічны слоўнік беларускай мовы / рэд. Іван Саламевіч. — Менск: Беларуская энцыкляпэдыя імя Петруся Броўкі, 1993. — Т. 1. — 590 с. — 15 000 ас. — ISBN 5-85700-125-0
• І. Я. Лепешаў. Фразэалягічны слоўнік беларускай мовы / рэд. Іван Саламевіч. — Менск: Беларуская энцыкляпэдыя імя Петруся Броўкі, 1993. — Т. 2. — 607 с. — 15 000 ас. — ISBN 5-85700-132-3
• Іван Лепешаў, Марыя Якалцэвіч. Слоўнік беларускіх прыказак / рэд. Іван Сіпакоў. — Менск: БелЭн імя П.Броўкі, 1996. — 352 с. — ISBN 985-11-0046-3
• Парэміялёгія як асобны разьдзел мовазнаўства / рэд. Натальля Дудко. — Горадня: ГрДУ, 2006. — 279 с. — 150 ас. — ISBN 985-417-808-0
• Слоўнік фразэалягізмаў беларускай мовы. — 2-ое выд. — Менск: Беларуская энцыкляпэдыя імя Петруся Броўкі, 2008. — Т. 1. — 669 с. — 2000 ас. — ISBN 978-985-11-0403-7
  • Слоўнік фразэалягізмаў беларускай мовы. — 2-ое выд. — Менск: Беларуская энцыкляпэдыя імя Петруся Броўкі, 2008. — Т. 2. — 702 с. — 2000 ас. — ISBN 978-985-11-0405-1
• Лінгвістычны аналіз тэксту. — Менск: Вышэйшая школа, 2009. — 287 с. — 2000 ас. — ISBN 978-985-06-1534-3
• Іван Лепешаў, Марыя Якалцэвіч. Тлумачальны слоўнік прыказак / Марына Вахмяніна. — 2-ое выд.. — Горадня: ГрДУ, 2011. — 695 с. — 200 ас. — ISBN 978-985-515-446-5

• Кнігі Івана Лепешава на сайце kamunikat.org