Масьля́нка — абястлушчаныя вяршкі, пабочны прадукт, які атрымліваецца пры вытворчасьці масла з каровінага малака.
Масьлянка ўтрымлівае да 9% сухіх рэчываў (у тым ліку 4,5—5% малочнага цукру, 3,2—3,5% бялку, 0,5—0,7% мінэральных рэчываў, 0,2—0,5% тлушчу), вітаміны (А, В, D, Е, біятын, РР, халін), фасфатыды (у тым ліку лецытын, які рэгулюе халестэрынавы абмен).
Калярыйнасьць: 30—33 кілякалёрый у 100 грамах.
Ужываецца ў ежу ў натуральным выглядзе ці перапрацоўваецца ў кісьлемалочныя прадукты, напоі, уваходзіць у склад некаторых відаў дыетычных сыроў.
Сухая і згушчаная масьлянка выкарыстоўваецца ў хлебаробнай і кандытарскай прамысловасьці.
Масьлянка — традыцыйны інгрэдыент для ірляндзкага хлеба на содзе, яе часта ўжываюць у выпяканьні кексаў. У вынікі рэакцыі кісьлі з разрыхляльнікам і пітной содай вылучаецца двухвокіс вугляроду, і хлеб уздымаецца, становіцца пульхным.
Масьлянку выкарыстоўваюць пры гатаваньні кашаў, часткова альбо цалкам замяняючы ёю ваду; а таксама для прыгатаваньня кавы і для забельваньня тварагу, яна можа замяніць больш тлустую сьмятану.
Масьлянку скормліваюць маладняку сельскагаспадарчых жывёлаў.
This article uses material from the Wikipedia Беларуская (тарашкевіца) article Масьлянка, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.