Laezh-Ribod
Al laezh-ribod zo un evaj a deu eus laezh ar saout pa vez ribotet an dienn anezhañ d'ober amann.
A-wechoù e kreder eo un evaj "breizhek", met evet e vez e broioù all evel Flandrez Belgia, Pakistan pe Afganistan ivez .
-and-Milk-(left).jpg)
Meuz
Gwechall, war ar maez, e veze debret patatez gant laezh-ribod, ha krampouezh gwinizh-du e-barzh laezh-ribod.
Studierien Breizh a gustume evañ laezh-ribod war-lerc'h un nozvezh pant e dibenn an XXvet kantved. Ne raent nemet evel ar roulerien a rae kemend-all a-raok dezho abaoe kantvedoù er vro. Kontet e veze gant lod e c'hallent chom yac'h ha derc'hel da lonkañ ma kasent ul litrad laezh-ribod war-draoñ er beure war-lerc'h. Siwazh, ne soñj ket a-walc'h al lonkerien yaouank a vremañ el louzoù-se a rafe vad d'o yec'hed ha da saverien-saout ar vro.
Hiziv e c'haller kavout laezh-ribod en tiez-krampouezh, met gwelloc'h e vez d'an anaoudeien goulenn a belec'h e teu, betegouzout.
Blaz
Ken kustum e vezer bremañ ouzh ar boued sukret ma ne blij ket kalz al laezh-ribod ken, ha nebeutoc'h c'hoazh d'ar vugale. Koulskoude, pa welont o zud oc'h evañ laezh-ribod e reont kemend-all aes, en-vihan. Diaesoc'h e vez kregiñ gant al laezh-ribod pa vezer krennard.
Laezh-ribod mat
Hini Sant-Maloù pe Lanfeun a vez kavet eus ar c'hentañ gant lod.
Bridel, Le Craulois, Even ha Paysan Breton zo merkoù breizhat brudet.
Skaotañ ar gwer
Displijus e vez skaotañ gwer war-lerc'h laezh-ribod: pegañ a ra ouzh ar gwer. Gwelloc'h eo evañ laezh-ribod e bolennoù pe listri-pri, aesoc'h da skaotañ.
Pennadoù kar, a bell pe a dost
This article uses material from the Wikipedia Brezhoneg article Laezh-ribod, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.