Даўконт
Даўконт, Даўкунт, Даўгонт — мужчынскае імя і вытворнае ад яго прозьвішча.
| Даўконт лац. Daŭkont | |
| Паходжаньне | |
|---|---|
| Мова(-ы) | германскія |
| Утворанае ад | Davo + Kunth |
| Іншыя формы | |
| Варыянт(ы) | Даўкунт, Даўгонт |
| Зьвязаныя артыкулы | |
| якія пачынаюцца з «Даўконт» | |
Паходжаньне
- Асноўны артыкул: Імёны ліцьвінаў
Даўга або Дава (Daugo, Davo) і Гунт або Кунт (Gunth, Kunth) — імёны германскага паходжаньня. Іменная аснова -даў(г)- (імёны ліцьвінаў Даўгерд, Даўгер, Даўят; германскія імёны Daugaard, Dauharjis, Dowyatt) паходзіць ад гоцкага daug 'годна', бургундзкага daugjis 'здольны, годны', а аснова -гунд- (-гунт-, -кунт-) (імёны ліцьвінаў Гунтар, Вігунт, Вірконт; германскія імёны Guntar, Wigunt, Werecundus) — ад гоцкага gunþs 'бойка, бітва'. Такім парадкам, імя Даўконт азначае «годны да бітвы». Адзначалася старажытнае германскае імя Thaigundis (Thai-gundis).
Германскае (паўночнагерманскае) паходжаньне літоўскага шляхецкага прозьвішча Доўкант (Dowkont) сьцьвярджалася яшчэ ў артыкулах «Жамойць» Усеагульнай энцыкляпэдыі Самуэля Аргельбранда (1868 год) і «Літва» Геаграфічнага слоўніка Каралеўства Польскага і іншых славянскіх краёў (1884 год).
У Прусіі бытавала імя Доўкант: Dowkant (1409 год). Імя Даўкунт бытавала ў ваколіцах Мэмэлю: Johan Dawtkunth (1511—1520 гады).
Варыянты імя ў гістарычных крыніцах: cum Andrea Dewknothowicz, Andreas Dewknetouicz, Andream Dewknetowicz (2 кастрычніка 1413 году); Daukontu cztowiek Wnoyszysz (1422 год, 1618 год); Василское волости, Совичу Довконътовичу, три чоловеки (9 лістапада 1449 году); землицы Довъкгонътовы… Довъкгонтъ побегъ до Немец (5 чэрвеня 1457 году); do źięm boiar powiatv korszewskiego… a Szczepana Dowkvntowicza… Szczepanv Dowkvntowiczv (12 кастрычніка 1561 году); Jan Dowkont (1621 год); p. Dowkunt (1690 год); frater Benedictus Dawkontt (10 сакавіка 1750 году).
Носьбіты
- Даўконт — літоўскі баярын, які ўпамінаецца ў 1422 годзе
- Совіч Даўконтавіч — літоўскі баярын, які ўпамінаецца ў 1449 годзе
- Станіслаў Мікалаевіч Даўконт — расенскі зямянін, які ўпамінаецца ў 1578 годзе
- Сьцяпан Станіслававіч Даўконт — расенскі зямянін, які ўпамінаецца ў 1557—1586 гадох
- Сэбастыян і Венцка Станіслававічы Юрэвічы Даўкантовічы — расенскія зямяне, якія ўпамінаюцца ў 1586 годзе
Доўканты (Даўконты) — літоўскі шляхецкі род.
У XVI ст. існаваў «абруб» Даўкунцішкі (Довкунтишки) у Жамойцкім старостве.
Глядзіце таксама
Крыніцы
This article uses material from the Wikipedia Беларуская (тарашкевіца) article Даўконт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.