Імя Бірута

Асноўны артыкул: Імёны ліцьвінаў

Біротэ або Берот (Bierotte, Berotus) — імя германскага паходжаньня. Іменная аснова -бер- (-бір-) (імёны ліцьвінаў Бірын, Бірыбольд, Бэрвольд; германскія імёны Birin, Beribald, Berwoldus) паходзіць ад гоцкага baira, германскага bero 'мядзьведзь'. Апроч таго, адзначалася германскае імя Baruthus (Bar-uth).

Паходжаньне імя Бірута ад асновы бер- (бір-), пашыранай германскім суфіксам -ут-, сьцьвярджае менскі дасьледнік Алёхна Дайліда, які разьвівае ўсходнегерманскую этымалёгію імёнаў літоўскіх князёў і баяраў. Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, імя Бірута можа адпавядаць старажытнаму германскаму імю Beroidis.

У Польшчы ў 1605 годзе адзначалася прозьвішча Bierut, у 1650 годзе — Birut.

У Польшчы адзначаюцца прозьвішчы Бірут (Birut) і Бірута (Biruta).

Варыянты імя ў гістарычных крыніцах: Пируте а Петрищу дано за себе люди (1440—1492 гады); imenem Birutu… pannu Birutu (Хроніка Быхаўца); костела Бетикголского… каплана Бируту… тот алтариста Бирута (19 жніўня 1523 году); а Нарка дойлида Пирута (8 ліпеня 1540 году); Piruta Jankowicz (1561 год); челед… Заня Бирутовна (3 сакавіка 1587 году); две службы людей… в повете Виленском лежачые, Андрея Бирутовича (2 сакавіка 1596 году); Hrehory Biruta… Biruta Prokop… Gabryel Bazyli Biruta (26 студзеня 1664 году); Biruta (1670 год); Jerzy Birut (1675—1677 гады).

• Бірута († 1382) — жонка вялікага князя літоўскага Кейстута
• Вінцэнт Бірутовіч — пробашч Сольскага касьцёла на 1897 году
• Франц Бірутовіч — пробашч Браслаўскага касьцёла на 1897 год
• Баляслаў Берут (1892—1956) — партыйны і дзяржаўны дзяяч Польскай Народнай Рэспублікі

Бяруты — парафіяне Катэдральнага касьцёла ў Менску на 1851—1857 гады.

Біруці (Biruć) — прыгонныя зь вёскі Петрышкаў (каля Лынтупаў), якія ўпамінаюцца ў XIX стагодзьдзі.

Берутовічы (Bierutowicz) гербу Шранява — літоўскі шляхецкі род з ваколіцаў Шаўляў.

Берадзевічы (Bierodziewicz) — літоўскі шляхецкі род з Наваградзкага павету.

На 1903 год існавала сяліба Беруці ў Новааляксандраўскім павеце Ковенскай губэрні.

• Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. Аўтарскае выданне. — Менск, 2019. — 459 с. — (сьціслая вэрсія кнігі: Вытокі Вялікае Літвы. — Менск, 2021. — 89 с.)