Ігнат Будзіловіч
Ігнат Мартынавіч Будзіло́віч (1841, Валынская губэрня — 28 жніўня 1863, Ворша; псэўданімы: Каткоў, Ян Піховіч) — удзельнік паўстаньня 1863—1864 гадоў.
Біяграфія
Зь небагатай шляхты. У 1859 годзе скончыў Кіеўскі кадэцкі корпус, служыў падпаручнікам у лейб-гвардзейскім Кацярынаслаўскім палку ў Маскве. Далучыўся да рэвалюцыйнай арганізацыі, падтрымліваў цесныя сувязі з Людвікам Зьвяждоўскім, паплечнікам Кастуся Каліноўскага, які быў пераведзены па службе з Вільні ў Маскву. У красавіку 1863 году ўцёк з вайсковай часткі і са Зьвяждоўскім выехаў на Магілёўшчыну для арганізацыі паўстанцкіх атрадаў. Пад псэўданімамі Каткоў і Ян Піховіч узначаліў паўстанцкі атрад у Аршанскім павеце. Наступаў на Бабінавічы і Лёзна. У канцы красавіка 1863 году пад Пагосьцішчамі атрад І. Будзіловіча ўступіў у бой з царскімі войскамі і быў разьбіты. Будзіловіча арыштавалі, пасьля чатырохмесячнага сьледзтва ён быў асуджаны ваенным судом да расстрэлу. Прысуд быў прыведзены ў выкананьне 28 жніўня 1863 году ў Воршы.
Літаратура
- В. (Ратч). Очерки мятежного движения в Могилевской губернии в 1863 г. — Вильно, 1865
- Дьяков В. А. Деятели русского и польского освободительного движения в царской армии 1856—1865 гг.: Биобиблиографический словарь. — М., 1967
- Маракоў Л. У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т.3. Кн.1. — Мн:, 2003
This article uses material from the Wikipedia Беларуская (тарашкевіца) article Ігнат Будзіловіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.