Хвар (па-харвацку: Hvar) — востраў у Адрыятычным моры.
Уваходзіць у склад Харватыі. Плошча — 297,37 км². Насельніцтва — 11 103 чал. (2011). Адміністрацыйны цэнтар — Хвар. На поўначы востраву знаходзіцца горад Стары Град, а таксама Стараградзкая раўніна, якая ўваходзіць у Сьпіс Сусьветнай спадчыны ЮНЭСКО.
Хвар | |
Выгляд з паветра | |
Месца | Адрыятычнае мора |
---|---|
Плошча | 297,37 км² |
Краіна | Харватыя |
Вобласьць | Спліт-Далмацыя |
Насельніцтва (2011) | 11 103 |
Каардынаты | 43°9′5″ пн. ш. 16°39′25″ у. д. / 43.15139° пн. ш. 16.65694° у. д. 16°39′25″ у. д. / 43.15139° пн. ш. 16.65694° у. д. |
Хвар |
Востраў Хвар знаходзіцца на поўдні Далмацыі. Выцягнуты ў даўжыню на 72 км, у шырыню — усяго на 10,5 км. Сфармаваны пераважна вапнякамі. Найвышэйшы пункт — гара Сьвятога Мікалая (628 м).
Клімат міжземнаморскі ўмераны, з доўгім сьпякотным летам і мяккай зімою. Заходняе ўзьбярэжжа вельмі засушлівае. У раёне гораду Хвар ападкі не перавышаюць у сярэднім 686 мм у год.
Крыніцы пітной і саланаватай вады маюцца толькі на паўночным захадзе. Глебы схільныя да эрозіі.
Хвар быў населены ў нэалітычную эпоху. У 4—3 тысячагодзьдзях да н. э. на ім існавала разьвітая ганчарная культура. У 384 г. быў калянізаваны старажытнымі грэкамі, якія далі яму імя Фарос («маяк»), ад якога пайшла сучасная назва востраву. У 219 г. да н. э. быў заваяваны рымлянамі.
У эпоху раньняга сярэднявечча Хвар быў населены славянамі. Уладу над ім аспрэчвалі некалькі дзяржаваў, але ў XI ст. ён трапіў пад кантроль Вэнэцыі. Вэнэцыянцы прывезьлі на востраў вінаград, які паступова ператварыўся ў важную сельскагаспадарчую культуру. Акрамя таго, тут былі створаны плянтацыі араматычных алейных культур. У часы позьняга Рэнэсансу Хвар зьяўляўся адным з галоўных цэнтраў разьвіцьця паўднёваславянскай культуры, асабліва літаратуры. Аднак складаныя ўзаемаадносіны з вэнэцыянскімі патрыцыямі прывялі да паўстаньня 1510—1514 гг. на чале з Мацеям Іванічам.
У 1797 г. далучаны да Аўстрыйскай імпэрыі. У 1918—1921 гг. быў акупаваны італьянцамі. У 1921 г. уключаны ў склад Югаславіі. З 1991 г. у складзе незалежнай Харватыі.
Хвар мае разьвітую камунікацыйную і транспартную інфраструктуру. Асновы эканомікі: лоў і перапрацоўка рыбы, вырошчваньне вінаграду й лаванды, турызм.
Хвар (востраў) — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Хвар (востраў), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.