«По́лымя» — літаратурна-мастацкі і грамадзка-палітычны часопіс.
Выдаецца з 20 сьнежня 1922 году ў Менску штомесяц на беларускай мове. Старэйшае беларускае літаратурна-мастацкае выданьне. Падпісны індэкс выданьня на «Белпошце» — 74985.
Полымя | |
Тэматыка | літаратура, мастацтва, грамадзтва |
---|---|
Пэрыядычнасьць | штомесяц |
Краіна | Беларусь |
Адрас | Менск, вул. Хмяльніцкага, д. 10а |
Заснавальнік | Міністэрства інфармацыі Рэспублікі Беларусь |
Выдавец | РВУ «Выдавецкі дом „Звязда“» |
Галоўны рэдактар | Алена Мальчэўская |
Дата заснаваньня | 20 сьнежня 1922 (101 год таму) |
Мова | Беларуская |
Аб’ём | 192 старонкі |
Наклад | 1567 (чэрвень 2016) |
ISSN | 0130-8068 |
Афіцыйны сайт | polymja.lim.by |
Першыя дзесяць гадоў (да 1932) часопісам кіравала рэдакцыйная калегія, у яе ўваходзілі Зьмітрок Бядуля, Цішка Гартны, Міхась Зарэцкі, Усевалад Ігнатоўскі, Янка Купала, Якуб Колас, В. Нодэль, А. Сянкевіч, Міхась Чарот і інш. У 1932—1941 гадах выходзіў пад назвай «Полымя рэвалюцыі». У гады Вялікай айчыннай вайны не выходзіў. Адноўлены ў студзені 1945 году па распараджэньні Савета Міністраў Беларускай ССР.
На старонках часопіса былі ўпершыню апублікаваныя раманы «Людзі на балоце» Івана Мележа, «Птушкі і гнёзды» Янкі Брыля, «Сэрца на далоні» Івана Шамякіна і многія іншыя творы.
Уваходзіць у склад рэдакцыйна-выдавецкай установы "Выдавецкі дом «Звязда».
У часопісе друкуюцца творы беларускіх пісьменьнікаў, пераклады твораў клясыкаў сусьветнай літаратуры і сучасных пісьменьнікаў замежных краінаў, артыкулы па пытаньнях беларускай культуры і мастацтва, гісторыі, краязнаўства, эканомікі, грамадзка-палітычнага і сацыяльнага жыцьця Беларусі, рэцэнзіі.
Першую вокладку часопіса намаляваў мастак Міхась Філіповіч.
This article uses material from the Wikipedia Беларуская (тарашкевіца) article Полымя (часопіс), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.