Лясная Падляская (польск.
Leśna Podlaska) — вёска ў Польшчы, на рацэ Клюкоўцы. Цэнтар сельскай гміны Бельскага павету Люблінскага ваяводзтва. Насельніцтва на 2011 год — 983 чалавекі. Знаходзіцца за 15 км на паўночны захад ад Белай.
Лясная Падляская лац. Lasnaja Padlaskaja | |
польск. Leśna Podlaska | |
Касьцёл Сьвятых Пятра і Паўла і кляштар паўлінаў | |
Краіна: | Польшча |
Ваяводзтва: | Люблінскае |
Павет: | Бельскі |
Гміна: | Лясная Падляская |
Насельніцтва: | 983 чал. (2011) |
Часавы пас: | UTC+1 |
летні час: | UTC+2 |
Паштовы індэкс: | 21-542 |
Нумарны знак: | LBI |
Геаграфічныя каардынаты: | 52°8′4″ пн. ш. 23°1′34″ у. д. / 52.13444° пн. ш. 23.02611° у. д. 23°1′34″ у. д. / 52.13444° пн. ш. 23.02611° у. д. |
Лясная Падляская | |
Галерэя здымкаў у Вікісховішчы |
Лясная — даўняе магдэбурскае места гістарычнага Падляшша, побач зь якім праходзіць паўднёва-заходняя мяжа этнічнай тэрыторыі беларусаў. Да нашага часу тут захаваўся комплекс кляштару паўлінаў з касьцёлам Нараджэньня Найсьвяцейшай Панны Марыі, помнік архітэктуры XVIII ст.
Лясная, відаць, утварылся яшчэ ў канцы XIV ст., пра што сьведчыць існаваньне ў гэтай мясцовасьці «Акопаў Крыжацкіх» у XVII ст.
У 1569 годзе згодна з умовамі Люблінскай уніі Лясная перайшла да Каралеўства Польскага. У 1683 годзе тут зьявіўся цудоўны абраз Маці Божай, па чым у вёсцы заснавалі кляштар паўлінаў. У 1713 годзе кароль і вялікі князь Аўгуст Моцны надаў Лясной Магдэбурскае права.
У выніку трэцяга падзелу Рэчы Паспалітай (1795 год) Лясная апынулася ў складзе Аўстрыі, з 1809 году — у складзе Расейскай імпэрыі. На 1827 год у вёсцы было 17 будынкаў. Па здушэньні нацыянальна-вызвольнага паўстаньня ў 1864 годзе расейскія ўлады гвалтоўна перарабілі касьцёл паўлінаў пад праваслаўную царкву. 19 кастрычніка 1885 года Яўгенія Яфімаўская прыбыла ў Лясную разам з пяццю паслушніцамі і 2 дзяўчынкамі-сіротамі, першымі жыхаркамі манастырскага прытулку. Днём пазней урачыстым набажэнствам пачалася дзейнасць жаночай манаскай абшчыны. 26 жніўня 1889 рашэннем Святога Сінода дадзеная манаская абшчына атрымала статус манастыра першага класа.
За часамі Першай сусьветнай вайны ў 1915 годзе Лясную занялі войскі Нямецкай імпэрыі. Праваслаўная манаская абшчына пакінула гэтае месца і ўжо больш сюды не вярнулася.
Згодна з Рыскай мірнай дамовай 1921 году Лясная апынуўся ў складзе міжваеннай Польскай Рэспублікі.
У Другую сусьветную вайну зь верасьня 1939 да жніўня 1944 году Лясная знаходзіўся пад акупацыяй Трэцяга Райху.
This article uses material from the Wikipedia Беларуская (тарашкевіца) article Лясная Падляская, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.