Google Chrome

Гэта артыкул пра браўзэр. Калі вам патрэбны артыкул пра апэрацыйную сыстэму, глядзіце артыкул Google Chrome OS.

Першая публічная бэта-вэрсія для Microsoft Windows выйшла 2 верасьня 2008 году. Браўзэр распаўсюджваецца на ўмовах адмысловай ліцэнзіі EULA. Частка кода браўзэра, або ўвесь код адкрыты пад назвай «Chromium» пад ліцэнзіяй тыпу BSD і іншымі. Афіцыйны пераклад існуе на больш як 30 моваў, аднак не на беларускую, хоць саматужны пераклад на беларускую мову зрабілі 4 верасьня 2008 году.

Google Chrome
Распрацоўка	Google
Апошняя вэрсія	103.0.5060.114 (4 ліпеня 2022 г.; 20 месяцаў таму)
Напісаны на	C++, Асэмблер
АС	Microsoft Windows Mac OS X Linux
Тып	браўзэр
Ліцэнзія	BSD
Афіцыйная старонка	google.com/chrome

У адрозьненьне ад іншых браўзэраў, у Chrome кожная ўкладка зьяўляецца асобным працэсам. У выпадку, калі працэс апрацоўкі зьмесціва ўкладкі завісьне, яго можна будзе зачыніць бяз рызыкі страціць усё зьвесткі ў браўзэры.

У Chrome для апрацоўкі сцэнараў JavaScript выкарыстоўваецца рухавік V8 JavaScript. Паводле тэсту хуткасьці, хуткасьць апрацоўкі скрыптоў у Chrome прыкладна адпавядае хуткасьці апошніх вэрсіяў браўзэра Opera з каэфіцыентам 1,2Х (Opera 9.50a = 1.0Х, Opera 9.23 = 1.1Х, Safari 3.0.3 = 1.3Х).

Бязь ведама карыстача адпраўляе на сэрверы Гугла:

1. нумары вэрсіяў браўзэра й іншых праграмаў Google, усталяваных на кампутары;
2. пошукавыя запыты;
3. уведзеныя вэб-адрасы, у тым ліку нязнойдзеныя;
4. весткі аб вэрсіях Windows і DirectX;
5. сеціўны адрас карыстача.

• 2 верасьня 2008 — кампанія Google абвясьціла аб выпуску ўласнага браўзэра Chrome. Першапачаткова Chrome выпушчаны толькі пад Microsoft Windows, пазьней плянуецца стварыць вэрсіі для апэрацыйных сыстэмаў Linux і Mac OS X.

Першае

12 сьнежня 2008 году Гугл выпусьціў Chrome 1.0 з наступнымі складнікамі ды ўласьцівасьцямі:

1. рухавік V8 JavaScript, што выкарыстоўвае віртуальную машыну для агляду й паскарэньня выкананьня яваскрыптоў;
2. адчынены рухавік вырысоўваньня WebKit;
3. адасобленасьць укладак і надбудоваў як асобных працэсаў дзеля абароны ад шкоднаснага коду;
4. падтрымка абароны ад фішынгу й шкоднасных сайтаў;
5. падтрымка абароны перадачы дадзеных;
6. вакно закладак.

Другое

22 траўня 2009 году пабачыла сьвет другое выданьне з наступнымі зьменамі:

1. магчымасьць групаваць і перамяшчаць укладкі;
2. падтрымка поўнаэкраннага выгляду (пераход ажыцьцяўляецца клявішай F11);
3. аўтазапаўненьне формаў;
4. магчымасьць рэдагаваць сьпіс хуткіх спасылак на часта наведваныя сайты, разьмешчаны на экране новай укладкі.

Трэцяе

16 верасьня 2009 году адбыўся выпуск трэцяга выданьня праграмы з наступнымі абнаўленьнямі:

1. паскарэньне яваскрыпт-рухавіка на 25% (параўнальна з другім выданьнем);
2. падтрымка тэмаў;
3. скасаваньне пошукавага поля ў адчыненай укладцы;
4. падтрымка загрузкі старонкі разам з разьмешчаным на ёй відэафайлам.

  Google Chrome — сховішча мультымэдыйных матэрыялаў

• Афіцыйны сайт  (анг.)
• Chrome і Байнэт