Гліна: плястычная асадкавая горная парода

Гліна складаецца з аднаго ці некалькіх мінэралаў групы слаістых алюмасылікатаў, можа таксама ўтрымліваць пясчаныя і карбанатныя часьцінкі. Як правіла пародаўтваральным мінэралам у гліне зьяўляецца каалініт, яго склад: 47% (мас) аксіду крэмну (IV) (SiO₂), 39% аксіду алюміну (Al₂О₃) і 14% вады (Н₂0).

Al₂O₃ і SiO₂ ўтвараюць значную частку хімічнага складу глінаўтваральных мінэралаў.

Дыямэтар часьцінак глінаў меншы за 0,005 мм; пароды, якія складаюцца з большых часьцінак, прынята клясыфікавць як лёэс. Большасьць глінаў — шэрага колеру, але сустракаюцца гліны белага, чырвонага, жоўтага, бурага, блакітнага, зялёнага і нават чорнага колераў.