Прыёрбанк (таксама Пріорбанк) — найбуйнейшы беларускі прыватны банк.
Мае 37 цэнтраў банкаўскіх паслугаў, 44 пазыковыя цэнтры і 4 даччыныя прадпрыемствы: «Дом Офіс 2000», «Прыёрлізінг», «Райфайзэн-Лізінг», «Сёмая лінія».
Тып | Адкрытае акцыянэрнае таварыства |
---|---|
Дэвіз | Калі жадаеш быць першым |
Заснаваная | 20 студзеня 1989 (35 гадоў таму) |
Заснавальнікі | «Беларуснафта», «Гарызонт», «Дружба» (Гомель), «МАЗ», «МТЗ» |
Краіна | |
Разьмяшчэньне | Менск, Беларусь |
Ключавыя фігуры | Сяргей Касьцючэнка |
Галіна | банкаўская |
Прадукцыя | банкаўскія паслугі |
Абарачэньне | 1 013,1 млрд рублёў (2009 год; 361,4 млн $) |
Апэрацыйны прыбытак | 298,3 млрд рублёў (2009 год; 106,4 млн $) |
Чысты прыбытак |
|
Лік супрацоўнікаў |
|
Матчына кампанія | Райфайзэн Банк Інтэрнэшнл[d] і Дзяржаўны камітэт па маёмасьці Рэспублікі Беларусь |
Даччыныя кампаніі | «Дом Офіс 2000», «Прыёрлізінг», «Райфайзэн-Лізінг», «Сёмая лінія» |
Аўдытар | «Эрнст энд Янг» |
«Прыёрбанк» быў заснаваны 20 студзеня 1989 г. як Менскі інавацыйны банк. Сярод акцыянэраў банку былі Менскі аўтамабільны завод, Беларуснафта, Гомельскае прадпрыемства транспарту нафты «Дружба» і іншыя.
У 1991 г. банк быў перайменаваны ў Беларускі прамыслова-інавацыйны банк «Прыёрбанк». У лістападзе 1991 году банк быў акцыянаваны і атрымаў Генэральную ліцэнзію на ажыцьцяўленьне апэрацыяў у замежных валютах. Была вызначана стратэгія разьвіцьця «Прыёрбанку» як унівэрсальнага, а не спэцыялізаванага банку.
Яшчэ на этапе станаўленьня была зроблена стаўка на актыўнае фінансаваньне найбуйнейшых дзяржаўных прамысловых прадпрыемстваў. У 1994—1995 гадох адчыніліся прадстаўніцтвы «Прыёрбанку» ў Нямеччыне, Польшчы і Расеі.
У чэрвені 1998 г. акцыянэрам (27%) зрабіўся Эўрапейскі банк рэканструкцыі і разьвіцьця, у жніўні 2008 году ЭБРР прадаў свой пакет.
«Прыёрбанк» быў адным з заснавальнікаў нацыянальнай картачнай сыстэмы «БелКарт», зрабіўся першым сярод беларускіх крэдытна-фінансавых інстытутаў чальцом плацёжных асацыяцыяў VISA International і MasterCard / Europay.
У 2003 годзе 50% акцыяў ААТ «Прыёрбанк» набыла аўстрыйская банкаўская група Raiffeisen International. Пасьля гэтая доля была павялічана да 87,74%.
На сёньняшні дзень філіяльная сетка ААТ «Прыёрбанк» складае больш за 90 пунктаў продажаў.
З красавіка 2023 году банк знаходзіцца пад санкцыямі Канады.
На дадзены момант 87,74% акцыяў належаць Raiffeisen International Bank-Holding AG, астатнія акцыі належаць дзяржаўным органам і прыватным інвэстарам. У пачатку 2009 г. Raiffeisenbank выказваў намер зрабіцца ўладальнікам 100% акцыяў «Прыёрбанку».
This article uses material from the Wikipedia Беларуская (тарашкевіца) article Прыёрбанк, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.