De anzige Quön zum Lem vaum Salomon is da Tanach (im Kristndum "Oids Testament" gnennd). Danoch woa da Salomon da Suhm vaum David und vau da Bathseba.
De Regiarungszeid vaum Salomon wiad tradizionö mid 40 Joa augem und auf 970 v.u.Z. bis uma 931 v.u.Z. festglegd. A Zuavalässige Datiarung is owa ned meglich. Es gibt aussahoib vaum Tanach bzw. da Bibel kaane historischn Beleg. Und im Tanach wiad 40 Joa imma vawend, um de Daua vau ana Generazion zum Ausdruck z bringa.
Da Salomon hod es Großreich, des wos sei Voda afbaud hod, dahoidn und modernisiad. Und mid de Nochban hod a a friedliche Zaumaorwad pflegt.
Kuitua
Christian van Adrichom (1533–1585): Da Tempe vaum Kenig Salomo (Detail; Köln 1584)
Da Salomon hod Jerusalem und aundare Städd ausbaun lossn. Vua oim hod a in easchdn Jerusalema Tempe fian JHWH baud, dea wos Salomonischa Tempe gnennd wiad.
Ea hod Israel gengiwa aundan Kuituan und Religionen geffned, wos eam bei aundan Vöikan a grosse Aunakennung brochd hod. Ma red in dem Zaumahaung aa vo "salomonischa Aufklearung".
Literatua
Israel Finkelstein und Neil A. Silberman: David und Salomo. Archäologen entschlüsseln einen Mythos. Beck, Minga 2006, ISBN 3-406-54676-5.
This article uses material from the Wikipedia Boarisch article Salomon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.
