Niger

Da Niger, aa nouen Franzejsischn Nischäa, amtle République du Niger, engl.

Republic of the Niger, is a vo Land umschlossna Stoot z Westafrika, da wou nou en Fluß Niger gnennt woan is. Es Land grenzt in Noadoustn mid Libya, in n Oustn min Tschad, in n Siḏn mid Nigeria u Benin, in Sidwestn mid Burkina Faso, in n Westn mid Mali, un in n Noadwestn mid Algeria zamm. Da Niger houd mid 1 270 000 km² d gressta Asdeaning z Westaffrika. Iwa 80% von n Land ling i da Sahara. Dej iwawejngt muslimischa Bvelkaring vo umma 22 Milliona Leit lebt om mejran i Sidlinga in n Sidwestn von n Land. Duatn ligt aa d Haptstod u gressta Metropoln Niamey.

Niger
A Koatn von n Niger.
Niger
A Koatn vo d Provinzn.
Niger
A Sprouchkoatn.
Niger
Stootsbsouch as Deitschland, da Heinrich Lübke ban Hamani Diori.

Da Niger is abisl haude banand, krejgt awl ganz schlechta Noutn vo da intanazionoln Gmoischaft, sitzd õn n eftan af n letzan Plotz von n HDI. Vill vo de Ned-Wejstn-Regiona san iwahaps gfeaded zwengs da Trucknzeid u da Desertifikazion. D Wiatschaft konzentriat se af an Aingvabrauch (Subsistenzlandwiatschaft), mid aweng a Exportlandwiatschaft in Siḏn un aweng an Export vo Roustoff, õ ejaschta Stell da Yellowcake, wos s duatn i s Grundwossa einesickad, woiss ma owa ned oda mechd ma lejwa ned wissn...

Da Niger trifd zwengs da eigschlossnan Loḡ, da Trickn, da schwachn Landwiatschaft, da woksaden Bvelkaring, da Oamatei, en Nea-Draa-Kreiza-Machn-Kinna, da schlechtn Infrastruktua, da schlechtn medizinischn Vasuagung, da Umweltvaschmutzung uaw. af schwaare Pess u Hindaniss, ejḡatwou aa af an grejna Zweiḡ zen kemma... Seit da Unohangekait 1960 hom s in n Niger unta fimf vaschinanan Konstituzionan un unta drei vaschinanan Militeadiktatuanan glebt. Nou en Militeaputsch vo 2010 is da Niger jenfalls nominell a demokratischa Mera-Partein-Stoot woan.

Dej Gsellschaft von n Niger zoigt a Diversitejt, wou se speist as longa aingstendinga Tradizionan u Gschichtnan vo de vaschinanan Velkln u Landstrichh. D Iwazol vo da Bvelkaring lebt af n Land u redt an Dialekt vo de umma 23 duatatn Sprouchn.

Galeri

Beleg

Tags:

AlgerienBeninBinnenstootBurkina FasoLibyenMaliNiger (Fluss)NigeriaSaharaTschad

🔥 Trending searches on Wiki Boarisch:

ISO 3166-1Österreich800JHWHEssex County, New JerseyVaoanigts KinireichSüdliche OberpfalzWikiLeaksChatGPTKabbalah1996Vaoanigte StootnReligionWiktionaryFranz KafkaRoßDihydrogenmonoxidStrizziOmanNapulitanoSoziale MedienGimelMarkus SöderMax Brod22. NovembaIranAmerikaLinkHauni MaschinenbauIslamMediaWikiSchabbatListn vo boarische SpoatoatnSurfleischRailjetBaltimoreGoogleSüdmittelbairischFuzalmechanikPanamakanalFochazKiniPubersdorfVokalDuttlnMaltaHawaraMetropolitanstod CataniaJüngstes GerichtHoamseitnArabische SprochReindlRegion TiroulKeniaBen Nevis (Autor)GriaßdeJiddisch im BoarischnMoskauFreidoudHodalumpHollandJudnRussische InselnAdabeiTschechoslowakeiBeislZuagroaste9. MeazDroad🡆 More