Sir Isaac Newton (* 4.
Jenna 1643 in Woolsthorpe-by-Colsterworth in Lincolnshire, England † 31. Meaz 1727 in Kensington) woa a englischa Physika, Mathematika, Astronom, Alchemist, Philosoph, und Vawoitungsbeomta.
In seina Zeid, wo zwischn natialicha Theologie, Natuawissnschoft und Philosophie no ned schoarf trennd woan is, hod ma an Newton an Philosophn gnennt.
1687 hod a de Philosophiae Naturalis Principia Mathematica aussabrochd. Se guit ois oans vo de Weake mid'm greßtn Eihfluss af de Wissnschoftsgschicht und hod de Grundlong fian Groußtei vo da klassischn Mechanik gschoffa. In dem Weak bschreibd a de Gravitationsgsetze vo da universoin Gravitation und de Bewegunsgsetze. Domid hod'a iwa 300 Joar de Physik mitbstimmd. Ea hod aa des easchte Spiaglfeanroah baud. In da Mathematik hod'a unobhängig vom Gottfried Wilhelm Leibniz de Infinitesimoirechnung entwickld.
Zweng seina Leistunga, voa oim in da Physik und Mathematik, guit da Newton ois oana vo de greßtn Wissnschoftla vo oin Zeidn. De Principia Mathematica wean ois oans vo de wichtigstn wissnschoftlichn Weake eihgstuafd.
Nochm Newton san des Newtonsche Näharungsvafoahn und de SI-Eihheit vo da Kroft (Newton), de Newtonsche Axiome sowia de Newton-Cotes-Foamln bezeichnd worn, außadem da Asteroid (662) Newtonia sowia a Mondkrata.
Boarischa Text: Isaac Newton – gmoafreie Originaltext (engl.) |
This article uses material from the Wikipedia Boarisch article Isaac Newton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.