Isaac Newton
Isaac Newton (riwalnijhåve Izåk Noûtone), c' est on sincieus inglès k' a skepyî li 4 di djanvî 1643 et k' a morou li 31 di måss 1727 do calindrî grigoryin (adon, ces djoûs la estént rashious come 25 di decimbe 1642 et 20 di måss 1727 do calindrî djulyin).
Il est ricnoxhou come li pus grand sincieus di tos les tins. Eto, i s' ritrouve rindjî å l° 2 des djins les pus inflouwinnes di l' Istwere dins l' djivêye Michael Hart.
Ouve
Tot djonne, et cåzu sins aidance di professeus, il a discovrou li loyén inte trinte-shijh esperyinces ki des ôtes sincieus avént fwait dvant lu. Et fé lu-minme on clitchet d' sayes, ey end astapler les lwès djeneråles po bråmint des cwårtîs del fizike.
Li pus cnoxhowe di ses lwès, c' est l' cene di l' assaetchance del tere so les coirs ki sont dsu u djondant (li gravité), çou ki dna li mwaisse esplikêye di tote l' astronomeye.
Il a eto mostré ki l' blanke loumire esteut fwaite do rashonnaedje di sacwants rais k' avént totes les coleurs di l' airdiè.
Sourdant
This article uses material from the Wikipedia Walon article Isaac Newton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.