হোজাই জিলা: ভাৰতৰ অসম ৰাজ্যৰ এখন জিলা

হোজাই জিলা
—  অসমৰ জিলা  —
অসমত হোজাইৰ অৱস্থান
দেশ	ভাৰত
ৰাজ্য	অসম
সদৰ	হোজাই
মহকুমা	৩
চৰকাৰ
- লোকসভা সমষ্টি	নগাঁও লোকসভা সমষ্টি
- বিধানসভা সমষ্টি	যমুনামুখ, হোজাই, লামডিং
জনসংখ্যা (২০১১)
- মুঠ	৯,৩১,২১৮ জন
সময় অঞ্চল	ভা.মা.স. (গ্ৰী.মা.স.+০৫:৩০)
ৱেবছাইট	আনুষ্ঠানিক ৱেবছাইট

মেইতেই (মণিপুৰী) এই অঞ্চলৰ চৰকাৰী ভাষা।

মধ্যযুগত হোজাই ডিমাচা-কছাৰী ৰাজ্যৰ অংশ আছিল। আহোম বুৰঞ্জী মতে, ডিমাচা-কছাৰী ৰাজ্য দিখৌ নদীৰ পৰা কলং নদী পৰ্যন্ত বিস্তৃত আছিল। হোজাইত বসবাসকাৰী ডিমাচা-কছাৰী সকল "হোজাই- কছাৰী" নামে জনাজাত আছিল। "হোজাই" ডিমাচা উপজাতিৰ এক বংশ বা গোষ্ঠী সম্ভৱত হোজাই নাম "হোজাই" গোষ্ঠীৰ নামৰ পৰা আহিছে।

২০১১ চনৰ লোকপিয়ল মতে তিনিটা ৰাজহ চক্ৰ সংলগ্ন নৱগঠিত হোজাই জিলাৰ মুঠ জনসংখ্যা ৯,৩১,২১৮ জন। তাৰে ভিতৰত ৪৯,৯৫৬৫জন মুছলমান আৰু ৪২,৪০৬৫জন হিন্দু। অৰ্থাৎ হোজাই জিলাৰ জনসংখ্যাৰ মুছলমানৰ শতকৰা হাৰ ৫৩.৬৫% আৰু হিন্দুৰ শতকৰা হাৰ ৪৫.৫৩% । ডবকা ৰাজহ চক্ৰৰ মুছলমানৰ জনসংখ্যাৰ শতকৰা হাৰ প্ৰায় ৮৭% । হোজাই জিলাৰ আন দুটা ৰাজহ চক্ৰ হিন্দুপ্ৰধান। ২০০১ চনত বৰ্তমান হোজাই জিলাৰ জনসংখ্যা আছিল ৭৪,৪৭৯১জন; তাৰে ভিতৰত ৩৭,৪২০৫জন মুছলমান আৰু ৩৬,৫১৮০জন হিন্দু। অৰ্থাৎ হোজাই জিলাত হিন্দুৰ জনসংখ্যাৰ হাৰ আছিল ৪৯.০৩% আৰু মুছলমান আছিল ৫০.২৪% । হোজাই জিলাত ২০০১ চনৰ পৰা ২০১১ চনলৈ জনসংখ্যা ২৫.০৩% বৃদ্ধি হৈছে।

হোজাই জিলাত তিনিখন বিধানসভা সমষ্টি আছে। এই কেইখন হ'ল-

• যমুনামুখ
• হোজাই
• লামডিং

হোজাই জিলা নগাঁও লোকসভা সমষ্টিৰ অন্তৰ্ভুক্ত।