২০১৮ ফিফা বিশ্বকাপ

২০১৮ ফিফা বিশ্বকাপ

Чемпионат мира по футболу FIFA 2018 Chempionat mira po futbolu FIFA 2018
২০১৮ ফিফা বিশ্বকাপৰ প্ৰতিক
প্ৰতিযোগিতাৰ তথ্য
আয়োজক দেশ	ৰাছিয়া
তাৰিখ	১৪ জুন – ১৫ জুলাই
দলসমূহ	৩২ (৫খন কনফিডাৰেচনৰ পৰা)
স্থান	১২ (১১খন আয়োজক চহৰত)
শীৰ্ষস্থানীয় অৱস্থান
বিজেতা	ফ্ৰান্স (২য় খিতাপ)
দ্বিতীয় স্থান	ক্ৰয়েছিয়া
তৃতীয় স্থান	বেলজিয়াম
চতুৰ্থ স্থান	ইংলেণ্ড
প্ৰতিযোগিতাৰ পৰিসংখ্যা
মুঠ খেলৰ সংখ্যা	64
মুঠ গোলৰ সংখ্যা	169
উপস্থিতি	30,31,768 (47,371 প্ৰতিখন খেলত)
সৰ্বাধিক গোলদাতা	Harry Kane (৬টা গোল)
শ্ৰেষ্ঠ খেলুৱৈ	Luka Modrić
শ্ৰেষ্ঠ যুৱা খেলুৱৈ	Kylian Mbappé
শ্ৰেষ্ঠ গোলৰক্ষক	Thibaut Courtois
অপক্ষপাতী খেলৰ বঁটা	স্পেইন
← ২০১৪ ২০২২ →

প্ৰ্তিযোগিতাখনত মুঠতে ৩২টা দলে ভাগ লৈছিল য’ত ৩১টা দলে যোগ্যতা নিৰূপণকাৰী খেলৰ যোগেদি আৰু ৰাছিয়াই আয়োজক দল হিচাপে ভাগ লোৱাৰ সুবিধা পায়। ৩২টা দলৰ ভিতৰত ২০টা দলেই ২০১৪ চনৰ ফিফা বিশ্বকাপত ভাগ লৈছিল, আনহাতে আইচলেণ্ড আৰু পানামাই প্ৰথমবাৰৰ বাবে বিশ্বকাপত ভূমুকি মাৰে। ১১খন চহৰৰ ১২খন ষ্টেডিয়ামত মুঠ ৬৪খন খেল অনুষ্ঠিত হৈছিল।

চূড়ান্ত খেলখন ফ্ৰান্স আৰু ক্ৰ’ৱেচিয়াৰ মাজত অনুষ্ঠিত হৈছিল য’ত ফ্ৰান্সে ৪-২ ব্যৱধানত জয়ী হৈ দ্বিতীয়বাৰৰ বাবে চেম্পিয়নৰ খিতাপ জিকিবলৈ সক্ষম হয়।

ফিফাৰ ইতিহাসত প্ৰথমবাৰৰ বাবে ফিফাৰ ২০৯খন সদস্যদেশে বিশ্বকাপত স্থান পাবলৈ আবেদন কৰে। চাৰিবাৰৰ চেম্পিয়ন ইটালী, তিনিবাৰৰ ৰাণাৰ্ছ আপ নেডাৰলেণ্ড, ২০১৭ৰ আফ্ৰিকা কাপ বিজয়ী কেমেৰুণ, দুবাৰকৈ কোপা আমেৰিকা আৰু ২০১৭ৰ কনফেডাৰেচন কাপ বিজয়ী চিলি, ২০১৬ৰ অ’এফচি নেচ’ন কাপ বিজয়ী নিউজিলেণ্ড আৰু ২০১৭ৰ CONCACAF Gold Cup বিজয়ী যুক্তৰাষ্ট্ৰই মূল প্ৰতিযোগিতালৈ যোগ্যতা অৰ্জন কৰিব নোপোৱাটো উল্লেখযোগ্য।

টোকা: কাষৰ সংখ্যাসমূহে প্ৰ্তিযোগিতাখনৰ আৰম্ভণিত ফিফা ৰেংকিং বুজাইছে (FIFA World Rankings)

AFC (5)   অষ্ট্ৰেলিয়া (36)   ইৰান (37)   জাপান (61)   চৌদি আৰৱ (67)   দক্ষিণ কোৰিয়া (57) CAF (5)   ইজিপ্ত (45)   মৰক্কো (41)   নাইজেৰিয়া (48)   ছেনেগাল (27)   তুনিছিয়া (21)

CONCACAF (3)   কষ্টা ৰিকা (23)   মেক্সিকো (15)   পানামা (55) CONMEBOL (5)   আৰ্জেণ্টিনা (5)   ব্ৰাজিল (2)   কলম্বিয়া (16)   পেৰু (11)   উৰুগুৱে (14) OFC (0) None qualified

UEFA (14)   বেলজিয়াম (3)   ক্ৰয়েছিয়া (20)   ডেনমাৰ্ক (12)   ইংলেণ্ড (12)   ফ্ৰান্স (7)   জাৰ্মানী (1)   আইচলেণ্ড (22)   পোলেণ্ড (8)   পৰ্তুগাল (4)   ৰাছিয়া (70) (host)   ছাৰ্বিয়া (34)   স্পেইন (10)   ছুইডেন (24)   ছুইজাৰলেণ্ড (6)

 

বিশ্বকাপৰ কাৰণে মুঠতে ১২খন ষ্টেডিয়াম নিৰ্মাণ আৰু নবীকৰণ কৰা হৈছিল।

• কলিংগ্ৰেড ষ্টেডিয়াম
• কাজান এৰিণা
• লুঝনিকি ষ্টেডিয়াম দেশখনৰ সৰ্ববৃহৎ ষ্টেডিয়াম
• স্পাৰ্টাক ষ্টেডিয়াম
• নিঝানি ন’ভ’গ’ৰ’ড ষ্টেডিয়াম
• ৰস্তভ এৰিণা ষ্টেডিয়াম
• চেইণ্ট পিটাৰ্ছবাৰ্গ ষ্টেডিয়াম
• চামাৰা এৰিণা ষ্টেডিয়াম
• মৰ্ডভিয়া এৰিণা ষ্টেডিয়াম
• ভলভ’গ্ৰেড ষ্টেডিয়াম
• ফিষ্ট ষ্টেডিয়াম -এইখন ষ্টেডিয়ামত ২০১৪ চনৰ শীতকালীন অলিম্পিকৰ উদ্বোধনী আৰু সমাপ্তি অনুষ্ঠান হৈছিল।
• একাটেৰিণবাৰ্গ ষ্টেডিয়াম

২০১৮ চনৰ ১৬ মাৰ্চৰ দিনা ফিফা বিশ্বকাপৰ ইতিহাসত প্ৰথমবাৰৰ বাবে ভিডিঅ' এছিচটেণ্ট ৰেফাৰীৰ বাবে অনুমোদন জনোৱা হয়

২০১৮ৰ ২৯মাৰ্চত ফিফা কাউন্সিলে ছয়টা ফুটবল কনফেডাৰেশ্যনৰ পৰা ৩৬জন ৰেফাৰী আৰু ৬৩জন সহকাৰী ৰেফাৰীৰ তালিকা প্ৰস্তুত কৰে আৰু ৩০ এপ্ৰিলৰ দিনা ১৩জন ভিডিঅ' এছিচটেণ্ট ৰেফাৰীৰ বিষয়ে ঘোষণা কৰে

১৪জুন বৃহস্পতিবাৰে ৩:৩০বজাত ৰাছিয়াৰ ৰাজধানী মস্কোৰ লুঝনিকি ষ্টেডিয়ামত ৰাছিয়া আৰু ছৌডি আৰবৰ মাজৰ টুৰ্নামেণ্টৰ উদ্বোধনী খেলখনৰ প্ৰায় আধা ঘণ্টা আগে ফুটবল বিশ্বকাপ ২০১৮ৰ উদ্বোধনী অনুষ্ঠান অনুষ্ঠিত হয় ইংলেণ্ডৰ বিখ্যাত পপ শিল্পী ৰবি উইলিয়ামছে ‘'লেট মি এণ্টাৰটেিন ইউ’' গান গাই গাই প্ৰৱেশ কৰে ৰবি উইলিয়ামছৰ লগত তাল মিলাই প্ৰ্ৱেশ কৰে ৰাছিয়াৰ স্ংগীত শিল্পী এইডা গাৰিফুলিনা দুয়ো একেলগে এঞ্জেল গানটো পৰিৱেশন কৰে অনুষ্ঠানত ৰোণাল্ড' উপস্থিত থাকে তেওঁ এডিডাছ টেলষ্টাৰ বলটো প্ৰদৰ্শন কৰে যিটো মাৰ্চ মাহত আন্তৰাষ্ট্ৰীয় মহাকাশ কেন্দ্ৰ্লৈ নি জুন মাহত ঘূৰাই অনা হৈছিল

প্ৰতিযোগী দলসমূহক মুঠ আঠটা গ্ৰুপত ভাগ কৰা হৈছিল আৰু প্ৰতিটো গ্ৰুপত চাৰিটাকৈ দল আছিল প্ৰতিটো গ্ৰুপৰ দলসমূহৰ মাজত খেল হোৱাৰ পিছত প্ৰটিতো গ্ৰুপৰ পৰা দুটাকৈ শ্ৰেষ্ঠ দল নক্‌আউট পৰ্য্যায়লৈ নিয়া হৈছিল

টাইব্ৰেকাৰ

কোনো এটা গ্ৰুপৰ দলসমূহৰ ৰেংকিং তলত দিয়াধৰণে বিচাৰ কৰা হৈছিল

1. গ্ৰুপৰ মেচসমূহত পোৱা মুঠ পইণ্ট
2. গ্ৰুপৰ মেচসমূহত গ'লৰ পাৰ্থক্য
3. গ্ৰুপৰ মেচসমূহত দিয়া মুঠ গ'ল

যদি দুটা দল সমান পৰ্য্যায়ত থাকে তেন্তে তলৰ উপায়সমূহ লোৱা হৈছিল

1. দল দুটাৰ মাজত হোৱা গ্ৰুপৰ মেচত হোৱা পইণ্টৰ পাৰ্থক্য
2. দল দুটাৰ মাজত হোৱা গ্ৰুপৰ মেচত হোৱা গ'লৰ পাৰ্থক্য
3. দলদুটাই কৰা সৰ্বমুঠ গ'লৰ স্ংখ্যা

সুশৃঙ্খল ভাবে খেলাৰ বাবে পইণ্ট

• হালধীয়া কাৰ্ড: ১ পইণ্ট কটা হ'ব
• পৰোক্ষ ৰঙা কাৰ্ড: ৩ পইণ্ট কটা হ'ব
• ৰঙা কাৰ্ড: ৪ পইণ্ট কটা হ'ব
• হালধীয়া কাৰ্ড আৰু ৰঙা কাৰ্ড: ৫ পইণ্ট কটা হ'ব

পুৰস্কাৰ

সোণালী বল	ৰূপালী বল	ব্ৰঞ্জৰ বল
Luka Modrić	Eden Hazard	Antoine Griezmann
সোণালী বুট	ৰূপালী বুট	ব্ৰঞ্জৰ বুট
Harry Kane (6 goals, 0 assists)	Antoine Griezmann (4 goals, 2 assists)	Romelu Lukaku (4 goals, 1 assist)
Golden Glove
Thibaut Courtois
শ্ৰেষ্ঠ যুৱ খেলুৱৈ
Kylian Mbappé
FIFA Fair Play Award
স্পেইন

পুৰস্কাৰৰ ধনৰাশি

পুৰস্কাৰৰ ধন ২০১৭ৰ অক্টোবৰতেই ঘোষণা কৰা হৈছিল.

শুভংকৰ

 

২০১৬ চনৰ ২১ অক্টোবৰতেই এখন ডিজাইন প্ৰতিযোগিতাৰ দ্বাৰা বিভাগীয়ভাৱে শুভংকৰ বাছনি কৰা হৈছিল| এটা মেকুৰী, এটা বাঘ আৰু এটা কুকুৰনেছীয়া বাঘৰ মাজৰ পৰা জাবিভাকা(Zabivaka) নামৰ কুকুৰনেছীয়া বাঘটোক বাছনি কৰা হৈছিল। মুঠ ১ মিলিয়ন মতদাতাৰ মাজৰ পৰা ৫৩ শতাংশই জাবিভাকাক ভোট দিছিল। মানুহ আৰু কুকুৰনেছীয়া বাঘৰ স্ংকৰ হিচাপে বনোৱা শুভ্ংকৰটোৱে ৰাছিয়াৰ জাতীয় দলৰ পোছাক পিন্ধি আছিল।

খেলৰ বল

 

 

২০১৮ ফিফা বিশ্বকাপৰ গ্ৰুপ পৰ্য্যায়ত খেলা বলটো আছিল টেলষ্টাৰ ১৮, যিটো বল ১৯৭০ চনৰ ফিফা বিশ্বকাপত এডিডাছে বনোৱা প্ৰ্থম বলটোৰ আৰ্হিত তৈয়াৰ কৰিছিল। বলটো ২০১৭ৰ ৯ নবেম্বৰত মুকলি কৰি দিয়া হৈছিল।

গ্ৰুপ পৰ্য্যায়ৰ পিছত নক্‌ আউট পৰ্য্যায়ত খেলিবলৈ টেলষ্টাৰ মেচটা নামৰ আন এটা বল ব্যৱহাৰ কৰা হৈছিল। মেচটা মানে ৰাছিয়ান ভাষাত সপোন। টেলষ্টাৰ ১৮ আৰু টেলষ্টাৰ মেচটাৰ মাজত থকা পাৰ্থক্য হ’ল মেচটাত থকা ৰঙা ৰঙৰ ডিজাইন।

খেলৰ গীত

Will Smith, Nicky Jam আৰু Era Istrefiয়ে কণ্ঠদান কৰা "Live It Up" শীৰ্ষক গীতটো প্ৰতিযোগিতাখনৰ গীত হিচাপে মান্যতা দিয়া হৈছিল। গীতটো ২০১৮ৰ ৮জুনত মুকলি কৰি দিয়া হৈছিল।