2018 Футболдай дуьньядин чемпиона́т — 21-лагьай ФИФА-дин Футболдай дуьньядин чемпионат ФИФА, адан финал тир пай 2018-лагьай йисан 14-лагьай июндилай 15-лагьай июлдал кьван Урусатда хьана.
Урусат вичин тарихда садлагьай сеферда футболдай дуьньядин чемпионатдин иеси тир уьлкве хьана, идалай гъейри, ам садлагьай гъилера РагъэкъечӀдай патан Европада тухвана. ГьакӀни садлагьай сеферда мундиал дуьньядин кьве паюна хьана — Европадани Азияда. Чемпионат Урусатдин 11 шегьерда авай 12 стадиондал тухуда. Им арбитриз тир видеокуьмекдин система кардик кутунвай садлагьай футболдай чемпионат.
2009-лагьай йисан 18-лагьай мартдиз ФИФА-ди шумуд уьлкведиз 2018/2022-лагьай йисарин чемпионатар тухуз кӀанзватӀа ахъайна. Абурун гафарив кьурвал, 9 малумат атана – Австралиядин, Англиядин, Индонезиядин, Мексикадин, Урусатдин, АСШ-рин, Япониядин, Португалиядинни Испаниядин (санал), Бельгиядинни Нидерландрин (санал) патай.
Анжах Корея Республикади ва Кьатарди 2022-лагьай йисан дуьньядин чемпионатдин иеси хкягъунин акъажунра иштираквал авуникай малумат гана. Са арадилай, континентар нубатдалди дегиш хуьникай ФИФА-дин алай чӀаван къанундиз килигна, 2018-лагьай йисан турнирдихъ галтугуникай Азиядинни (гьа гьисабдик Австралияни кваз) Америкадин векилар хкечӀна.
И тегьерда, ФИФА-дин исполкомди Урусатдин, Англиядин малуматрикай, гьакӀни Испаниядин – Португалиядин ва Бельгиядин – Нидерландрин умуми проектрикай хкязвай тир.
2018 | |||||
---|---|---|---|---|---|
Англия | |||||
Бельгия ва Нидерландар | |||||
Испания ва Португалия | |||||
Урусат | |||||
2022 | Австралия | ||||
Кьатар | |||||
АСШ | |||||
Кьиблепатан Корея | |||||
Япония | 2022-лагьай йисуз ганвай малумат Малуматар кьулухъ къахчур кандидатар | ||||
ХкечӀнава | Индонезия | ||||
Мексика |
2009-лагьай йисан 5-лагьай майдиз Урусатдин премьер-министр Владимир Путина дуьньядин чемпионатдик малумат гьазурунин патахъай спортдин рекьяй министр Виталий Муткодиз тапшуругъ гана. «Къе за 2018-лагьай йисуз футболдай дуьньядин чемпионат тухун патал кандидатура вилик кутунин рекьяй оргкомитет арадал гъуникай къарар кьабулиз теклифзава», — 2009-лагьай йисан 8 октябрдиз хьанвай Гьакимвилин президиумдин алтӀушунал Путина лагьана.
Адан гафаралди, «алай гьалда вуч хьайитӀани, чна идалайни кьулухъ эхиримжи чӀавуз авурди давамарда — футболдин никӀер эцигун, цӀийи дараматар эцигун, цӀийи спортдин, сифтени-сифте аялрин, жегьилвилин секцияр ахъаюн».
2009-лагьай йисан 16-лагьай декабрдиз и оргкомитетдин кьилел Игорь Шувалов акъвазна.
2010-лагьай йисан 22-лагьай январдиз Урусатдин президент Дмитрий Медведева Кремлда ФИФА-дин президент Зепп Блаттер кьабулна, абуру Урусатди вилик кутунвай малумат веревирд авуна.
2010-лагьай йисан 2-лагьай декабрдиз Цуьрихда дуьньядин чемпионат тухудай иеси тир уьлкведин тӀвар ахъайна — и мумкинвал Урусатдиз вугана. Сес гунин нетижайралди, Урусатди кьведлагьай турда винел пад къачуна, ада зуралай пара сесер кӀватӀна:
Малуматар | Садлагьай тур | Кьведлагьай тур |
---|---|---|
Урусат | 9 | 13 |
Испания / Португалия | 7 | 7 |
Нидерландар / Бельгия | 4 | 2 |
Англия | 2 | — |
This article uses material from the Wikipedia Лезги чІал (Lezgi č’al) article 2018 Футболдай дуьньядин чемпионат, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Къене авайбур CC BY-SA 4.0 лицензиядалди гъил агакьдай я (муькуь затl къалурнавачтlа). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лезги чІал (Lezgi č’al) (DUHOCTRUNGQUOC.VN) is an independent company and has no affiliation with Wiki Foundation.