Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
't 21e Wereldkampioensjap hierevoetbal leep vaan 14 juni tot en mèt 15 juli 2018. Gasland waor Rusland, wat 't WK veur 't iers heel. 32 landeteams oet vief confidderaties naome deil. Titelverdeideger waor Duitsland, wat veer jaor ieder in Brazilië vaan Argentinië won. Es veurbereiing op 't WK woort vaan 17 juni tot en mèt 2 juli 2017 de Confederations Cup gehawwe.
't WK waor vaan teväöre umstrejje, oonder mie um de politieke situatie in 't gasland en de meneer boe-op 't WK waor touwgeweze. Sportief gezeen waor 't WK nao de meining vaan väöl commentatore geslaag: 't gemiddeld aontal gole laog hoeg en väöl favoriete woorte (soms spectaculair) vreug oetgesjakeld. Winner woort Fraankriek, wat in de finaal won vaan Kroatië en zoe zienen twieden titel binnehaolde. 't Belsj èlftal woort daarde en haolde daomèt zien bèste prestatie oets. Nederland, wat veer jaor ieder nog de daarde plaots pakde, wis ziech neet veur 't WK te plaotse.
Op 2 december 2010 woorte de WK's vaan 2018 en 2022 touwgeweze. Veur 2018 gaove aonvenkelek nege len of landecombinaties ziech op. Mexico trok ziech es ierste trök, 't bod vaan Indonesië woort door de FIFA aofgeweze umtot de regering vaan dat land geine motiverende breef sjikde. Australië, Japan en de Vereinegde Staote trokke ziech later trök. Heidoor bleve veer Europese len daan wel combinaties euver: Belsj/Nederland, Ingeland, Portugal/Spaanje en Rusland. Daomèt waor al zeker tot 't WK nao Europa góng.
De keus veur Rusland woort in twie stumrundes gemaak:
Land | Runde 1 | Runde 2 |
---|---|---|
Rusland | 9 | 13 |
Portugal/Spaanje | 7 | 7 |
Belsj/Nederland | 4 | 2 |
Ingeland | 2 |
De touwwiezing aon Rusland waor controversieel, zeker umtot deenzelfden daag 't WK vaan 2022 nao Qatar góng. Me voont tot de FIFA allein veur 't geld had gekoze, en besjöldeginge vaan corruptie woorte alum gehuurd. Ouch waore väöl lui in 't weste neet opgezat mèt de politieke situatie in 't land; me spraok vaan 'ne propagandastunt veur 't rezjiem vaan Vladimir Poetin.
Rusland waor es gasland otomatisch gekwalificeerd. De aander 31 plaotse móste weure ingevöld mèt continentaol kwalificatietoernoje en intercontinentaol play-offs.
Afrika kraog vief plaotse veur 54 teams. Zimbabwe woort evels al veur 't begin vaan de competitie oetgeslote. 't Toernooj verleep in twie knock-outrundes en 'n grópsfaas. In de ierste runde späölde de 26 zwaakste teams (volgens de FIFA-Wereldraanklies) tegenein. De 13 winners vaan dees twieluke gónge door nao runde 2, boe ouch de 27 aander len instruimde. Ouch dees len maakde in kóppels oet wee doorgóng; zoe heel me nog twinteg teams euver. Die woorte ingedeild in vief poules vaan veer. De grópswinners mochte nao 't WK.
De vief poules woorte gewonne door:
Azië had 4½ plaots veur 46 teams: veer direkte kwalificaties en ein via 'ne play-off tegen e team vaan de CONCACAF. 't Kwalificatiesysteem is nogal gecompleceerd. 't Umvatde veer rundes. Runde 1 waor 'n knock-outrunde, boe-in de 12 zwaakste teams tegenein späölde. In runde 2 struimde de aander 34 teams in: de in totaol 40 teams späölde in ach poules vaan vief teams. (Dit waor ouch de kwalificatie veur de Asia Cup.) De ach grópswinners en de veer bèste nommers twie gónge mèt nao de daarde runde. De teams woorte in twie poules vaan zès verdeild. Daovaan mochte de nommers ein en twie direk door nao 't WK:
De twie daardes (Syrië oet gróp A en Australië oet gróp B) stoonte tegeneuverein in de veerde runde. Syrië woort bewoonderd um de oonverwachs gooj prestaties in 't door börgeroorlog versjäörd land, meh oetindelek won Australië dees confrontatie. Dit team kós door nao de play-offs tege Noord-Amerika.
Indonesië woort loupende de twiede runde gediskwalificeerd umtot de regering vaan dat land ziech mèt 't toernooj had bemeujd.
Europa had 14 plaotse op 't WK. Ein daovaan is veur 't gasland. De aander 13 woorte verdeild euver de 54 len die de UEFA intösse tèlt. De len woorte in nege poules vaan zès opgedeild. De grópswinners mochte zoonder mie door nao 't WK:
Vaan de nege teams die twiede waore gewoorte, späölde ach tegenein in de twiede runde. De veer winners daovaan struimde ouch in:
Opvallendste aofwezege waor Italië, wat veur 't iers sinds 1958 't WK neet haolde. Ouch Nederland, Tsjechië en Turkije haolden 't WK neet.
De CONCACAF, boe 35 teams bij aongeslote zien, had neet minder es vief rundes um de 3½ plaots die 't vaan de FIFA kraog touw te wieze. In runde 1 späölde de 14 zwaakste teams knock-outmatche. De zeve winners gónge nao runde 2, boe-in de volgende 13 teams instruimde. Dao gaof 't weer twie kier tien knock-outmatche. De tien winners daovaan gónge nao runde 2, boe nog twie teams instruimde. Ouch die runde waor opgezat mèt e knock-outsysteem. De zès euverlevers gónge nao runde 4, boe de zès bèste teams debij kaome. Die woorte opgedeild in drei poules vaan veer. De twie bèste daovaan mochte door nao runde 5. Dees runde waor wie 'n competitie opgezat: alle zès twie kier tegenein, oet en toes. De drei boveste teams kóste direk door, 't veerde team góng 'ne play-off speule tegen e land oet de AFC.
Direk geplaots woorte zoe:
De play-offplaots waor veur Honduras.
Opvallend waor tot de Vereinegde Staote, veur 't iers sinds 1986, neet mètdege.
Oceanië had ½ plaots op 't WK, wat dus beteikende tot zelfs de winner vaan de OCF-kwalificatie neet zeker waor vaan deilnaome. Aon 't toernooj dege èlf len mèt; diverse klein lendsjes zien neet bij de FIFA aongeslote. De veer zwaakste teams späölde iers e klein toernooj tegenein. De winner daovaan (Samoa) góng door nao runde twie, boe de aander zeve teams wachde. Dit waor tegeliek ouch de grópsfaas vaan de OFC Cup. De ach teams späölde in twie poules vaan veer. De bèste twie gónge nao de haaf finales vaan de OFC Cup. Veur de WK-kwalificatie gónge zelfs twie kier drei teams door.
Die zès teams späölde nog ins tegenein, noe in twie poules vaan drei. De winners daovaan späölde weer tegenein. Nui-Zieland won hei oetindelek vaan de Salomonseilen en moch door nao de play-off tegen e team oet Zuid-Amerika.
De CONMEBOL had 4½ plaots te vergeve: veer direkte en ein play-offplaots tegen 't team vaan Oceanië. De tien leie vaan de Zuid-Amerikaanse boond späölde 'n competitie (18 späöldaag, alle teams twie kier tegenein). De volgende len plaotsde ziech direk:
De play-offplaots waor veur Peru (26 punte).
Naotot 't Braziliaans voetbal e paar jaor 'ne crisis had doorgemaak, wis 't team in de WK-kwalificatie wie vaanajds te euvertuige.
Twie plaotse móste weure ingevöld door play-offs tösse fidderaties.
De loting woort verriech op 1 december 2017. De belkes veur de landeteams zaote in veer pöt. Rusland, volgens de FIFA-lies vaan dat memint feitelek 't zwaakste team vaan allemaol, waor verzekerd vaan 'n plaots in pot ein en 'n positie es grópshoof. Veur de res woorte de teams gewoen op basis vaan hun raanknommer ingedeild. Wel woorte maotregele getroffe um neet mie es twie Europese teams in ein poule te kriege, en neet mie es eint vaan eder aander continent.
Pot 1 | Pot 2 | Pot 3 | Pot 4 |
---|---|---|---|
Rusland (65) Duitsland (1) Brazilië (2) Portugal (3) Argentinië (4) Belsj (5) Pole (6) Fraankriek (7) | Spaanje (8) Peru (10) Zwitserland (11) Ingeland (12) Colombia (13) Mexico (16) Uruguay (17) Kroatië (18) | Denemarke (19) Iesland (21) Costa Rica (22) Zwede (25) Tunesië (28) Egypte (30) Senegal (32) Iran (34) | Servië (38) Nigeria (41) Australië (43) Japan (44) Marokko (48) Panama (49) Zuid-Korea (62) Saoedi-Arabië (63) |
Zuug oonder veur de rizzeltaote.
Veur 't WK woorte twelf stadions in èlf späölstei gebruuk: Moskou had 'rs twie. Op eint nao stoon alle gebruukde stadions in 't Europees deil vaan Rusland.
Späölstad | Stadion | Capaciteit | Pleetsje |
---|---|---|---|
Jekaterinaburg | Centraol Stadion | 35.696 | |
Kaliningrad | Kaliningrad-stadion | 35.212 | |
Kazan | Kazan-arena | 45.379 | |
Moskou | Loezjnikistadion | 81.000 | |
Otkritijestadion | 45.360 | ||
Nizjni Novgorod | Nizji Novgorodstadion | 44.899 | |
Rostov aon d'n Don | Rostov-arena | 45.000 | |
Samara | Kosmos-arena | 44.918 | |
Saransk | Mordovië-arena | 44.442 | |
Sint-Petersbörg | Krestovskistadion | 68.134 | |
Sotsji | Fisjt Olympisch Stadion | 47.659 | |
Wolgograd | Wolgograd-arena | 45.568 |
Veur 't WK woorte 36 hoofsjeidsrechters, 63 assistente en 13 videosjeidsrechters aongeweze oet alle zès de fidderaties. De videosjeidsrechters waore nui op 't WK; ze waore daoveur al op preuf op de Confederations Cup en in diverse nationaol competities.
|
|
|
Ouch bij de videosjeidsrechters deeg eine Nederlander mèt: Danny Makkelie. In de play-offs vaan 't Nederlands voetbal had heer al ervaoring opgedoon in 't beoerdeile vaan videobeelder. Belzje officials dege op dit WK neet mèt.
Rusland vèlt in versjèllende tiedzones. Veur 't gemak zien alle matche daorum genormaliseerd nao Midde-Europese zomertied, d'n tied dee 't oonder 't WK in Nederland en 't Belsj waor. Wèlt me de lokaol späöltije kriege, daan moot me mèt 't volgende rekene:
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Uruguay | 3 | 3 | 0 | 0 | 5 | 0 | +5 | 9 |
2. | Rusland | 3 | 2 | 0 | 1 | 8 | 4 | +4 | 6 |
3. | Saoedi-Arabië | 3 | 1 | 0 | 2 | 2 | 7 | -5 | 3 |
4. | Egypte | 3 | 0 | 0 | 3 | 2 | 6 | -4 | 0 |
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Spaanje | 3 | 1 | 2 | 0 | 6 | 5 | +1 | 5 |
2. | Portugal | 3 | 1 | 2 | 0 | 5 | 4 | +1 | 5 |
3. | Iran | 3 | 1 | 1 | 1 | 2 | 2 | 0 | 4 |
4. | Marokko | 3 | 0 | 1 | 2 | 2 | 4 | -2 | 1 |
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Fraankriek | 3 | 2 | 1 | 0 | 3 | 1 | +2 | 7 |
2. | Denemarke | 3 | 1 | 2 | 0 | 2 | 1 | +1 | 5 |
3. | Peru | 3 | 1 | 0 | 2 | 2 | 2 | 0 | 3 |
4. | Australië | 3 | 0 | 1 | 2 | 2 | 5 | -3 | 1 |
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Kroatië | 3 | 3 | 0 | 0 | 7 | 1 | +6 | 9 |
2. | Argentinië | 3 | 1 | 1 | 1 | 3 | 5 | -2 | 4 |
3. | Nigeria | 3 | 1 | 0 | 2 | 3 | 4 | -1 | 3 |
4. | Iesland | 3 | 0 | 1 | 2 | 2 | 5 | -3 | 1 |
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Brazilië | 3 | 2 | 1 | 0 | 5 | 1 | +4 | 7 |
2. | Zwitserland | 3 | 1 | 2 | 0 | 5 | 4 | +1 | 5 |
3. | Servië | 3 | 1 | 0 | 2 | 2 | 4 | -2 | 3 |
4. | Costa Rica | 3 | 0 | 1 | 2 | 2 | 5 | -3 | 1 |
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Zwede | 3 | 2 | 0 | 1 | 5 | 2 | +3 | 6 |
2. | Mexico | 3 | 2 | 0 | 1 | 3 | 4 | -1 | 6 |
3. | Zuid-Korea | 3 | 1 | 0 | 2 | 3 | 3 | 0 | 3 |
4. | Duitsland | 3 | 1 | 0 | 2 | 2 | 4 | -2 | 3 |
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Belsj | 3 | 3 | 0 | 0 | 9 | 2 | +7 | 9 |
1. | Ingeland | 3 | 2 | 0 | 1 | 8 | 3 | +5 | 6 |
3. | Tunesië | 3 | 1 | 0 | 2 | 5 | 8 | -3 | 3 |
4. | Panama | 3 | 0 | 0 | 3 | 2 | 11 | -9 | 0 |
Plaots | Team | Sp | W | G | V | GV | GT | DS | Pt |
---|---|---|---|---|---|---|---|---|---|
1. | Colombia | 3 | 2 | 0 | 1 | 5 | 2 | +3 | 6 |
2. | Japan | 3 | 1 | 1 | 1 | 4 | 4 | 0 | 4 |
3. | Senegal | 3 | 1 | 1 | 1 | 4 | 4 | 0 | 4 |
4. | Pole | 3 | 1 | 0 | 2 | 2 | 5 | -3 | 3 |
N.B.: De sjifting tösse Japan en Senegal, die mèt e geliek aontal punte, geliek doelsaldo en geliek oonderling rizzeltaot indegde, gebäörde op groond vaan 't fairplayklassemint.
Achste finales | Kwartfinales | Hauf finales | Finaal | |||||||||||
30 juni – Sotsji | ||||||||||||||
Uruguay | 2 | |||||||||||||
6 juli – Nizjni Novgorod | ||||||||||||||
Portugal | 1 | |||||||||||||
Uruguay | 0 | |||||||||||||
30 juni – Kazan | ||||||||||||||
Fraankriek | 2 | |||||||||||||
Fraankriek | 4 | |||||||||||||
10 juli – Sint-Petersbörg | ||||||||||||||
Argentinië | 3 | |||||||||||||
Fraankriek | 1 | |||||||||||||
2 juli – Samara | ||||||||||||||
Belsj | 0 | |||||||||||||
Brazilië | 2 | |||||||||||||
6 juli – Kazan | ||||||||||||||
Mexico | 0 | |||||||||||||
Brazilië | 1 | |||||||||||||
2 juli – Rostov aon d'n Don | ||||||||||||||
Belsj | 2 | |||||||||||||
Belsj | 3 | |||||||||||||
15 juli – Moskou (Loezjniki) | ||||||||||||||
Japan | 2 | |||||||||||||
Fraankriek | 4 | |||||||||||||
1 juli – Moskou (Loezjniki) | ||||||||||||||
Kroatië | 2 | |||||||||||||
Spaanje | 1 (3) | |||||||||||||
7 juli – Sotsji | ||||||||||||||
Rusland | 1 (4) | |||||||||||||
Rusland | 2 (3) | |||||||||||||
1 juli – Nizjni Novgorod | ||||||||||||||
Kroatië | 2 (4) | |||||||||||||
Kroatië | 1 (3) | |||||||||||||
11 juli – Moskou (Loezjniki) | ||||||||||||||
Denemarke | 1 (2) | |||||||||||||
Kroatië | 2 | |||||||||||||
3 juli – Sint-Petersbörg | ||||||||||||||
Ingeland | 1 | Derde plaatsj | ||||||||||||
Zwede | 1 | |||||||||||||
7 juli – Samara | 14 juli – Sint-Petersbörg | |||||||||||||
Zwitserland | 0 | |||||||||||||
Zwede | 0 | Belsj | 2 | |||||||||||
3 juli – Moskou (Otkritije) | ||||||||||||||
Ingeland | 2 | Ingeland | 0 | |||||||||||
Colombia | 1 (3) | |||||||||||||
Ingeland | 1 (4) | |||||||||||||
|
|
|
|
|
|
|
|
This article uses material from the Wikipedia Limburgs article Wereldkampioensjap hierevoetbal 2018, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.