التلفازة ولاّ التيليڤيزيون هي واحد لماكينة اللي تاتورّي الصوت و التصويرة ف دقّة وحدة، يا إما بلكحل و لبيض، ولاّ باللّوان.
التلفازة خدات بلاصة كبيرة ف لعيشة د بنادم فالنص التاني د لقرن لعشرين، و كانت وسيلة مهمة باش تدوز فيها لخبار بالزربة. التلفازة كيدوزو فيها بزاف د لأنواع د لحوايج على حساب لقناة و لوقت، و تقدر تكون حاجة إخبارية، و لاّ ترفيهية بحال لأفلام و لا لموسيقا.
أول تلفازة ف لعالم ختارعها الصكوطلاندي جون بيرد نهار 26 يناير 1926 و كانت خدّامة بلأشعة تحت لحمرا. تطوّرات بزاف التلفازة من داك لوقت و تزادو بزاف د لقنوات ف لعالم كلّو. أول قناة د التلفازة ف لمغريب تدارت وقت ليستيعمار لفرانساوي و بقات عام (من 28 فبراير 1954 ل 20 ماي 1955) و كان سميتها تيلما. أقدم قناة باقا خدّامة ف لمغريب هي قناة اللّولا، و اللي بدات 6 سنين مورا لإستقلال (ف 1962).
تقدر تزيد شوف بزاف د تّصاور و لمعلومات ديال Television ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article تلفازة, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.