D Toskana, früener Tuszie, Tuscie, Tuskie, italienisch Toscana, isch e Regioon in Middelitalie.
Toskana | |
---|---|
Basisdate | |
Hauptstadt: | Florenz |
Provinze: | 10 |
Flechi: | 22.990,18 km² (5.) |
Iiwohner: | 3.761.616 (31. Dezember 2022) |
Bevölkerigsdichti: | 164 Iiwohner/km² |
Website: | www.regione.toscana.it |
ISO 3166-2: | IT-52 |
Presidänt: | Enrico Rossi (PD) |
Charte | |
Si gränzt im Norde an Ligurie und d Emilia-Romagna, im Oste an Marke und an Umbrie und im Süde an Latium. D Toskana gältet as historischi Landschaft und bedütendi Kultuurlandschaft.
Iiri Bezäichnig läitet sich vom Volk vo de Etrusker häär, wo in dr Antike doo aasässig gsi si.
D Toskana het e Flechi vo öbbe 22'990 km² und 3.663.191 Iiwohner (Stand 31. Dezember 2022). D Hauptstadt isch Floränz im Norde vo dr Regioon. Anderi wichdigi Stedt si Arezzo, Pisa, Siena, Grosseto, Livorno, Prato und Lucca. Dr Hauptfluss isch dr Arno.
D Toskana isch bekannt für iiri hügeligi Landschaft, won e Hufe Pinie, Ziprässe, Oliveböim und Rääbe waggse. Dr höggst Bärg isch dr Monte Prado (2054 m). D Toskana het Waldgebiet mit ere Flechi vo ere Million Hektaare. Im Süde finde d Natuurliebhaaber e groosses Natuurschutzgebiet, dr Parco dell’Uccellina, wo s en ussergwöönlig sälteni Flora und Fauna het.
Dr Toskanischi Archipel umfasst näbe Elba, dr drittgröösste Insle vo Italie, under anderem au die chliinere Insle Giglio, Capraia, Pianosa, Montecristo, Giannutri und Gorgona.
This article uses material from the Wikipedia Alemannisch article Toskana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.