Umbrie
Umbrie (italiänisch: Umbria) isch e Regioon vo Italie mit 908'926 Iiwooner (Stand 31.
| Umbrie | |
|---|---|
 |  |
| Basisdate | |
| Hauptstadt: | Perugia |
| Provinze: | 2 |
| Flechi: | 8.456,04 km² (16.) |
| Iiwohner: | 908.926 (31. Dezämber 2011) |
| Bevölkerigsdichti: | 107 Iiwohner/km² |
| Website: | www.regione.umbria.it |
| ISO 3166-2: | IT-55 |
| Presidänt: | Catiuscia Marini (PD) |
| Charte | |
 | |
Dezämber 2011). Si lit zwüsche dr Toskana, Latium und de Marke. Es isch die äinzigi Regioon vo Italie, wo weder e Meeresküste non e Gränze zum Usland het. Dr trasimenischi See lit in Umbrie. D Hauptstadt isch Perugia. D Regioon bestoot us de bäide Brovinze Perugia und Terni.
D Landschaft
Umbrie isch brägt vo Bärg mit Wäidwirtschaft und Ackerbau, Beckilandschafte und Dääler mit intensiver Landwirtschaft und de lange Gebirgszüüg vom Umbrische Apennin im Oste. Dr höggst Bärg isch dr Monte Vettore 2.478 m s.l.m.. Umbrie het meereri Flusssüsteem: dr Oberlauf vom Tiber, dr Topino, wo au us em Apennin chunnt und sich mit em Chiascio veräinigt und em Nera, wo dur s Valnerinadaal mit sinere hügelige, moolerische Landschaft fliesst. Nordwestlig vo dr Hauptstadt Perugia, in dr Nööchi vo dr toskanische Gränze, lit dr Trasimenischi See. Er isch e beliebts Usflugsziil. Die durchschnittligi Hööchi vo Umbrie lit bi über duusig Meter über em Meeresspiegel.
Gschicht
Umbrie isch ursprünglig s Siidligsgebiet vo de Umbrer gsi, zwüsche Etrurie und dr Küste vo dr Adria. D Umbrer si e Stamm vo de Italiker gsi, wo gegen 1200 v. d. Z. iigwanderet si, und vo öbbe 1000 v. d. Z. under em Iifluss vo de Etrusker gstande si. Perugia (denn Perusia) isch um 400 Mitgliid vom etruskische Zwölfstedtbund gsi. Stedt vo de Umbrer si Ameria (Amelia), Ariminum (Rimini), Tifernum Tiberinum (Città di Castello), Asisium (Assisi), Iguvium (Gubbio, Fundort von ere umbrische Schriftdaafele), Interamna (Terni), Perusia (Perugia), Spoletium (Spoleto) gsi.
D Wirtschaft
Im Joor 2006 isch s regionaale Bruttoinlandsprodukt bro Iiwooner, usdruckt in Chaufchraftstandard, bi 96,6 % vom Durchschnitt vo dr EU-27 gsi.
Litratuur
- Baedeker Umbrien
Weblingg
Commons: Umbrie – Sammlig vo MultimediadateieFuessnoote
 | Dä Artikel basiert uff ere fräie Übersetzig vum Artikel „Umbrien“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Umbrien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.