Ligurie (italiänisch Liguria) isch e Region vo Italie.
Ligurien | |
---|---|
Basisdate | |
Hauptstadt: | Genua |
Provinze: | 4 |
Flechi: | 5.420,24 km² (18.) |
Iiwohner: | 1.571.053 (31. Dez. 2015) |
Bevölkerigsdichti: | 290 Iiwohner/km² |
Website: | www.regione.liguria.it |
ISO 3166-2: | IT-42 |
Presidänt: | Giovanni Toti (FI) |
Charte | |
Ligurie erstreckt sich nur am im ene schmale Küstestreife entlang am Ligurische Meer. Im Weste liit Frankriich, ganz im Oste d Toskana. Im Norde wird Ligurie dur d Seealpe und de Apennin begränzt. Det gränzt Ligurie a d Regione Piemont, Lombardei und Emilia-Romagna.
De Name Ligurie chunt vo de vorrömische Ligurer. Im 3. Jahrhundert v. Chr. isch Ligurie under römischi Herrschaft cho. Währed de Kaiserziit isch Ligurie e Region vom römische Italie gsi, scho damals mit de Hafestadt Genau als Mittelpunkt. Im Mittelalter het de liguirischi Küstestreife zur Republik Genua ghört, ere Seemacht im Mittelmeer und im Schwarze Meer.
Wo d Republik under em Iifluss vom Napoleon undergange isch, isch 1797 die Ligurischi Republik gründet worde. 1805 isch sie wieder ufglöst worde, und s Territorium isch Frankriich aaglideret worde. Nach em Wiener Kongräss isch Ligurie wichtig gsi für s Königriich Sardinie-Piemont, wo 1861 im Königriich Italie ufgangen isch. Im 19. Jahrhundert isch d Bevölkerig vo Genua aber immer no republikanisch orientiert gsi. Im Revolutionsjahr 1848 isch es drum zu republikanische Urueh cho.
S hüttig Ligurie isch, wie die andere Regione «mit Normalstatut», 1970 as italiänischi Region ggründet worde.
This article uses material from the Wikipedia Alemannisch article Ligurien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.