Apulie
Apulie (italiänisch Puglia) isch e Region vo Italie.
| Apulien | |
|---|---|
 |  |
| Basisdate | |
| Hauptstadt: | Bari |
| Provinze: | 6 |
| Flechi: | 19,365,8 km² (7.) |
| Iiwohner: | 4.077.166 (31. Dez. 2015) |
| Bevölkerigsdichti: | 210.543 Iiwohner/km² |
| Website: | www.regione.puglia.it |
| ISO 3166-2: | IT-75 |
| Presidänt: | Michele Emiliano (PD) |
| Charte | |
 | |
Geografischi Laag
Apulie isch e Region vo Süditalie und liit am Adriatische und Ionische Meer. D Salento-Halbinsle am Südzipfel vo Apulie bildet de «Absatz» vom «italiänische Stiefel». Apulie isch e eher flachi Gägend, nur d Gargano-Halbinsle isch zimlich bärgig.
Gschicht
Im Altertum het's z Apulie griechischi Städt wie Taras (hüt Tarent) gäh, und d Römer hend mit de Via Appia zwüsched Rom und Brindisi e Verbindig uf Griechenland gschaffe. Nach de Völkerwanderig het Apulie zum Byzantinische Riich vom Kaiser Justinian I. ghört. Au nach de Langobardeniifäll us em Norde het Apulie bis im 10. Jahrhundert zu Byzanz ghört.
Zu dere Ziit sind die muslimische Sarazene z Süditalie iigfalle und hend det Staate gründet. Im 11. Jahrhundert sind d Normanne vo Sizilie här au uf Apulie cho. Under irer Herrschaft isch Apulie e Station uf em Wäg vo de Chrüzfahrer gsi.
Dur d Hürat mit de Konstanze, de Tochter vom normannische König Roger II., isch de Heinrich II. us em Gschlächt vo de Staufer i Bsitz vo dem Gebiet cho. Si Sohn, de Friedrich II., het d Burg Castel del Monte buue la, wo die berüehmtisti Staufer-Burg worden isch.
Nach de Staufer isch Apulie zum Königriich Sizilie und denaah zum Königriich Neapel under em Huus Anjou cho. Die neapolitinischi Chrone isch under spanischem Iifluss gsi, bis zur Gründig vom italiänische Staat 1861.
Im 20. Jahrhundert isch Apulie als Heimet vo de mafiöse Organisation Sacra Corona Unita bekannt worde.
Weblink
Commons: Apulie – Sammlig vo Multimediadateie
 | Dä Artikel basiert uff ere fräie Übersetzig vum Artikel „Apulien“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Apulien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.