Dr Flavius Petrus Sabbatius Iustinianus (altgriech. Ἰουστινιανός; * um 482 z Tauresium bi Justiniana Prima; † 14.
November">14. Novämber 565 z Konstantinopel), besser bekannt as Justinian, isch vom 1. August 527 bis zu sim Dood im Joor 565 römische Kaiser gsi. In e baar Kwelle und in dr eltere Liddratuur wird er do und dört au as Justinian dr Grooss bezäichnet; die orthodoxe Chille vereeren en as Häilige.
Justinian I. | |
---|---|
Kaiser vom Byzantinische Riich | |
Regierigsziit | 1. August 527 – 13/14 Novämber 565 |
Name | Flavius Petrus Sabbatius Iustinianus Augustus |
Uf d Wält cho | öbbe 482 |
Geburtsort | Tauresium, Dardanie (in dr Nööchi vom hütige Skopje, Mazedonie |
Gstorbe | 14. Novämber 565 |
Dodesort | Konstantinopel |
Begrabe | Apostelchille z Konstantinopel |
Vorgänger | Justin I. |
Nochfolger | Justin II. |
Verhürotet mit | Theodora |
Dr Justinian gältet as äine vo de bedütendste Herrscher in dr Spootantike. Si Regierigszit isch e wichdigi Stuefe im Übergang vo dr Antike zum Middelalter und im Übergang vo dr römische Dradizioon zur byzantinische. Dr Justinian het en aggressivi Westpolitik bedriibe, und es isch em glunge, witi Däil vom alte Imperium Romanum, wo im Westen im Lauf vo dr Völkerwanderig an d Germane gfalle zruggzeroobere. Für d Rächtsgschicht isch d Kompilation römische Rächt, won er in Ufdraag gee het und wo män em spööter Corpus Iuris Civilis gsäit het, vo groosser Bedütig.
529 het dr Justinian die platonischi Akademii z Athen zuedoo, 542 het er s altrömische Amt vom Konsul, villicht us Gäldgründ, faktisch abgschafft. D Sakralisierig vom Kaiserdum isch immer sterker worde und het die letschte Räst vo dr Illusion zerstöört, wo s Prinzipat füüre brocht het, ass dr Kaiser nume e primus inter pares sig.
Dr Gschichtsschriiber Prokopios von Caesarea, wo d Wärk von em die wichdigsti Kwelle für d Zit vom Justinian si, het im Kaiser si Politik stark kritisiert. Witeri Informazioone stamme under anderem vom Johannes Malalas, Agathias und Menander Protektor.
Flavius Petrus Sabbatius Iustinianus im dütschsprochige Wikisource
Vorgänger Justin I. | Kaiser von Byzanz 527–565 | Nochfolger Justin II. |
This article uses material from the Wikipedia Alemannisch article Justinian I., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.