Griechischi Zahle sind im Griecheland vo dr klassische Antike s übliche Syschtem vo dr Zahledarschtellig gsii.
|
Dialäkt: Züridütsch (See) |
Im hütige Griechisch wird s viilfach immer no zur Darschtellig vo Ordinalzahle (erschte, zweite, ...) verwendet, während für Kardinalzahle (eins, zwei, ...) hüt normalerwiis di arabische Ziffere üblich sind. Nur wer sich in Griechenland betont traditionell gee will, verwendet zum Teil au für Kardinalzahle die griechisch Schriibwiis.
Das System basiert uf em griechische Alphabet.
S früeheschte Syschtem vo dr Zahledarschtellig isch nach em akrophone Prinzip entwicklet worde, d. h. dass dr erschti Buechschtabe vonere Ziffere (im phonetische Sinn) zum Symbol vo dr Ziffere worde isch.
Es hät gulte: Ι (eifache Schtrich) = 1; Π (vo pente) = 5; Δ (vo deka) = 10; Η (vo hekaton) = 100; Χ (vo chilioi) = 1000; und Μ (vo myrioi) = 10'000. D Darschtellig vo de Zahle us de einzelne Ziffere isch em römische Syschtem ähnlich gsii; wie s römische Syschtem schiints sich um e Aagliichig vomene ältere Kerbstocksyschtems a di gschriebeni Schpraach z handle.
Ab em 4. Jahrhundert v. Chr. isch das Syschtem dur es quasi-dezimals Syschtem ersetzt worde, wo aber au uf Buechschtabe als Ziffere basiert hät. Jedere Ziffere (1, 2, ..., 9) isch en Buechschtabe zuegordnet gsii, ebeso a de zehn- (10, 20, ..., 90) und hundertfache (100, 200, ..., 900) Werte. Das erfordert insgsamt 27 Buechschtabe. Wil s griechische Alphabet aber nur 24 Buechschtabe hät, isch es um drei bereits damals nümme benutzti Buechschtabe vonere früehere Alphabet-Version erwiiteret worde:
D Zahle werded additiv us de Ziffere bildet, im Sinn vonere Summe. "Nulle" werded uusglaa. Hinder d Zahl wird es eifachs Aafüehrigszeiche gsetzt, um d Zifferefolg vomene Wort oder vonere Abchürzig z underscheide.
Au Zahlen vo 1'000 bis 999'999 chönnd dargschtellt werde: Für das werded die gliiche Ziffere nomal für eintiusiger, zehntuusiger und hunderttuusigerer verwendet, und zuesätzlich es zweits Aafüehrigszeiche (unde) vorgschtellt.
Dä Artikel basiert uff ere fräie Übersetzig vum Artikel „Griechische_Zahlen“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Griechische Zahlen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.