D Uffert – uf hochdüütsch Christi Himmelfahrt, altgriech. ἡ Ἀνάληψις τοῦ Κυρίου ‚d Ufnahm vum Herr‘, latiin. Ascensio Domini ‚Ufstig vum Herr‘ – isch im chrischtlige Glaube d Ruggchehr vum Jesus Christus as Suhn vu Gott zue sym Vater in dr Himmel.
D Gschicht vo dr Uffert chunt im Lukasevangelium und i dr Aposchtelgschicht und in es bar Brief vo de Aposchtel vor.
Z Jerusalem stoot di byzantinischi Uffertskapälle.
Zu däm Fyyrtig cha me im Schwyyzerischen Idiotikon meh lääse.
D Uffert wird gfyyrt am 40. Dag vum Oschterfeschtkrais, also 39 Däg noch em Oschtersuntig, dodermit isch s Fescht alliwyl am e Dunschtig. Dr frieschtmegli Termin isch dr 30. April; dr spotescht megli dr 3. Juni.
Uffert isch e gsetzlige Fyyrtig z Dytschland, in dr Schwyz, z Eschtrych, z Liechtestaa, z Frankrych, z Belgie, z Dänemark, z Finnland, z Grenland, z Haiti, z Indonesie, z Island, z Kolumbie, z Luxemburg, z Madagaskar, z Namibia, in dr Niederlande, z Norwege un z Schwede.
Z Italie (Ascensione), z Pole un z Ungarn isch s Fescht as gsetzlige Fyyrtig abgschafft wore.
Im katholische Bruuch vun ne Dail Gegnige wird dr „Uffertherrgott“, e Statue vum Chrischtus, an dr Uffert dur s „Hailiggaischtloch“ uf d Chilchebiini ufezoge.
I vilne Pfarreie macht me a dr Uffert Prozässioone us dr Chile ufs Land ringsume. Z Möischter und z Sämpach seit me ne Uffertsumritt.
Neiteschtamäntlig un theologisch
Chrischtlige Feschtkaländer
This article uses material from the Wikipedia Alemannisch article Christi Himmelfahrt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.