Wynberg Boys' High School
Wynberg Boys' High School is 'n openbare Engelsmedium hoërskool vir seuns in Wynberg, 'n voorstad van Kaapstad in die Wes-Kaap van Suid-Afrika.
Dit is in 1841 gestig en is een van die vooraanstaande akademiese skole in Kaapstad. Dit is die tweede oudste skool in Suid-Afrika.
Geskiedenis
In 1841 het John McNaughton die deure van sy skool heropen, die "Established School at Wynberg", in Glebe Cottage met 16 leerlinge wat ingeskryf het. McNaughton se skool het die kothuis gedeel met die Lady D'Urban School of Industry vir jong dames.
Aanvanklik was dit 'n mede-opvoedkundige skool, maar sedert 1853 het dit slegs seuns ingeneem. Die senior- en juniorskole het tot 1943 as een skool funksioneer, waarna hulle geskei is.
Sportaktiwiteite
Wynberg Boys' High School het 'n mededingende sporttradisie. Studente neem deel aan sportkompetisies teen skole in die Wes-Kaap en soms uit ander dele van Suid-Afrika, asook af en toe kompetisies met besoekende internasionale spanne. Mededingers sluit in Rondebosch Boys' High School, Diocesan College, en Paul Roos Gimnasium sowel as South African College Schools.
Die skool bied sportgeriewe soos 'n astro-grasveld, 'n swembad, tennis- en muurbalbane, vier rugbyvelde en die WBHS-krieketveld, wat in 2010 herdoop is tot "The Jacques Kallis Oval" ter ere van die Wêreldkrieketspeler van die jaar en voormalige Wynbergleerder.
Kultuur
Die WBHS-koor het 'n groot repertoire van liedjies wat wissel van jazz tot klassieke musiek. Koorlede word professionele vokale opleiding gebied. WBHS het drie skoolgroepe: die Concert Band, die Steel Band en die Jazz Band. Die Wynberg Boys' en Girls' High-orkeste is saamgevoeg om die Combined Band te vorm en het reeds op baie interskole-geleenthede gespeel.
Verwysings
18°27′32″O / 33.99639°S 18.45889°O
This article uses material from the Wikipedia Afrikaans article Wynberg Boys' High School, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.