Aloe Jucunda

 

 

Die plante is stamloos of met baie kort stamme; suierlote ontstaan gereeld en die plante vorm dan digte groepe tot 50 cm breed. Die blare-rosette is gewoonlik nie hoër as 35 cm nie. Daar is gewoonlik nie meer as 12 blaartjies nie en hulle is omtrent 4 cm lank en 2-5 cm breed. Die boonste vlak van die blaartjies is gewoonlik groen as die plantjies hoofsaaklik in die skaduwee groei, maar word ligbruin in skerp sonlig. Dit het ook talle liggroen tot wit kolle. Die onderste vlak het ’n donkergroen kleur en is ook gevlek. In die middel van die onderste vlak van die blaar tref mens 'n paar ligbruin hakies aan. Daar is klein rooi-bruin dorinkies op die rande van die blare. Die bloeiwyse is enkelvoudig en omtrent 33 cm hoog. Die blomblare het ’n diep-pienk kleur. Die filamente is lemoengeel.

In Somalië word hulle gewoonlik op kalksteengrond aangetref en wel op noordelike hellings. In Johannesburg blom hulle gewoonlik in Januarie.

• Lys van aalwynspesies

• G.W. Reynolds, The Aloes of Tropical Africa and Madagascar, The Trustees of The Aloes Book Fund, Mbabane, 1966, p. 48-51
• Plants of the World Online