集團 東亞唱片
東亞唱片（集團）有限公司係香港大型唱片公司之一，2004年7月由商人林建岳成立，成為豐德麗控股有限公司嘅全資附屬機構。除咗東亞唱片之外，同時設有一個附屬品牌華星唱片。
| 類型 | 唱片公司 |
|---|---|
| 開檔 | 2004年 |
| 總部地址 |  香港 |
| 緊要人物 | 林建岳、余秉翰、李安修 |
| 產業 | 音樂唱片製作發行 |
| 產品 | 音樂唱片 |
| 母公司 | 豐德麗控股有限公司 |
| 網址 | http://www.esun.com/home.php?cid=5&type=overview |
喺東亞唱片未成立前，已經喺1989年至2002年間參與經營亞洲電視十幾年，累積咗深厚經營娛樂事業嘅經驗。東亞唱片擁有多位香港樂壇紅星，旗下藝人包括劉德華、鄭秀文、許志安、任賢齊、華星唱片蘇永康、何韻詩、楊千嬅以及新晉當紅歌手王菀之、鄭嘉嘉、at17、林一峰、藍奕邦、華星唱片劉浩龍。
而東亞唱片而成為香港最多天王、天后嘅唱片公司，堪稱香港樂壇班霸之「天王天后宮」。
公司動向
- 2004年9月16號，何韻詩成為首位正式加盟東亞嘅女歌手，同時喺EMI公司合約，正式喺2004年7月屆滿。
- 2005年6月11號，樂壇天后鄭秀文以天價3000萬正式加盟，喺華納唱片公司合約早喺2004年10月屆滿，成為東亞一姐。
- 2005年12月17號，許志安由正東唱片轉投，成為東亞首位男歌手，傳聞身價高達1500萬。
- 2006年5月，唱作女歌手方皓玟由新藝寶唱片轉投，係公司2006年力捧對象，成績平平。
- 2006年6月，鄭融由正東唱片轉投，經理人依然由starz people（種星堂）娛樂有限公司擔任。
- 2007年6月，推出首張雜錦唱片《東亞萬歲》，總共收錄16首歌曲及音樂錄影帶。歌手包括許志安、鄭秀文、何韻詩、鄭融、麥浚龍、何超儀、方皓玟、吳克群、許茹芸同埋王浩信。唱片以鄭秀文嘅《愛情萬歲》、《Mi》以及許志安嘅《前程錦繡》作宣傳主打。宣傳口號係「東亞共榮，好歌萬歲」。
- 2007年7月，旗下藝人鄭融宣佈解約，轉投由前正東及東亞高層何哲圖成立嘅星娛樂。
- 2007年8月，劉浩龍由正東唱片轉投東亞，喺正東唱片公司合約早喺2006年10月屆滿。
- 2007年9月，何韻詩同東亞續約，傳聞身價高達2000萬，同時亦默認以8位數字續約。
- 2007年11月，唱作女歌手王菀之由環球唱片轉投東亞，簽約3年。
- 2007年12月，樂壇天王劉德華正式加盟，成為東亞一哥，傳聞身價高達2億。
- 2008年2月，宣布同由林一峰做老闆嘅林一峰娛樂有限公司合作，將負責該公司嘅所有產品發行以及宣傳工作。由東亞出版嘅林一峰娛樂產品包括《城市旅人》（林一峰）專輯以及《the Storyteller Concert 2008》（林一峰）。
- 2008年3月，台灣樂壇天王任賢齊加盟東亞，並宣佈喺2008年5月4號、5號喺香港紅館舉行嘅「Love&Beloved」任賢齊演唱會。
- 2008年4月，唱作男歌手藍奕邦由Sony Music轉投，並推出轉會後第一首派台歌曲《時候尚早》。
- 2008年5月，人山人海旗下組合at17加盟東亞，其後人山人海以及東亞有緊密合作。
- 2008年6月，新晉女歌手黃鎧晴正式加盟成為首位東亞新人，並推出第一首個人單曲《女子中學》。
- 2008年6月，金牌娛樂傳出賣盤消息，其中有指大國文化有意收購，但其後證實唔係真嘅。
- 2008年10月，TVB人氣小生黃宗澤加盟東亞，並推出第一首派台歌曲《全角度愛你》。
- 2008年10月，林建岳以旗下豐德麗控股購入華星唱片股份，據知收購價高達8,800萬元，並訂立喺12月舉辦「東亞華星演唱會」，當時重未知會否重組品牌。
- 2009年9月，韓國男子組合U-KISS加盟東亞，成為第一隊簽約海外唱片公司嘅韓國組合。
- 2009年12月，近年轉戰影壇嘅男演員余文樂正式加盟東亞旗下紅館經理人公司，佢喺藝能娛樂公司合約早喺2009年10月屆滿，作影歌雙線發展。
- 2010年1月，旗下藝人方皓玟，喺佢個Blog透露喺東亞嘅經理人合約喺2009年12月屆滿，轉投新成立嘅Strawberry Fields製作公司旗下，但唱片發行仍然由東亞唱片負責。
- 2010年6月，宣佈聯同華納唱片台灣、星馬等地區分公司結盟，組成一個全東南亞大型娛樂網絡。
- 2010年9月，蘇永康喺許志安引薦下正式加盟東亞旗下嘅大岳娛樂有限公司，喺金牌大風娛樂公司合約早喺2010年9月屆滿。
- 2010年10月，新晉唱作女歌手鄭嘉嘉加盟東亞，成為年度囑目新人。
東亞／華星旗下歌手
| 男歌手 | ||
|---|---|---|
| 劉德華 | 任賢齊 | 許志安 |
| 余文樂 （演員） | 林一峰 | 藍奕邦 |
| 恭碩良 | 彭永琛 | 張衞健 （演員） |
| 黃宗澤 （TVB Music） | 王梓軒 （唱片發行合約） | 劉浩龍 （華星唱片） |
| 蘇永康 （華星唱片） | ||
| 女歌手 | ||
| 鄭秀文 | 何韻詩 | 王菀之 |
| 鄭嘉嘉 | 韓雨燁 | 黃鎧晴 |
| 何詠深 （歌曲創作合約） | 方皓玟 （唱片發行合約） | 李蘊 （唱片發行合約） |
| 劉欣宜 （唱片發行合約） | 楊千嬅 （華星唱片） | 韓紅 （華星唱片） |
| 組合歌手 | ||
| at17 | 廿四味 （唱片發行合約） | Red Noon （唱片發行合約） |
| U-KISS （香港地區代理唱片合約） | EXILE （香港地區代理唱片合約） | |
已解約歌手
東亞唱片
華星唱片/星光唱片
參考
網頁
This article uses material from the Wikipedia 粵語 article 東亞唱片 (集團), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.