任賢齊

出道之前

任賢齊阿爸係小學老師，1949年左右跟住中華民國政府搬去臺灣。任賢齊係屋企大仔，個名係阿爸改嘅，「賢」字係屋企嘅字輩，個名意義係「見賢思齊」。童年喺彰化縣眷村大，直到喺國立彰化高級中學高中畢業至搬去臺北居住，重考過兩次大學後，21歲入中國文化大學體育系就讀，並喺呢段期間到敦煌樂器一邊打工，一邊學結他，而家結他係佢主要嘅創作樂器。佢喺結他老師介紹下加入新格唱片公司，第一次創作嘅《春天花會開》被唱片公司選為主打歌。

1990年－1991年：新格唱片公司時期

任賢齊唸大學四年級時（1990年）俾臺灣新格唱片發掘，並灌錄首張合輯《奔向彩虹》，開始入演藝圈，並成為地下樂團snake成員。

呢段期間發展並不暢順，同九孔、許效舜等人一齊住喺天台鐵皮屋，當時為咗喺事業上多爭取時間，佢刻意休學一年，延後入伍時間，但喺發行三張個人專輯，都未有回響下，入咗空軍藝工隊。

1996年－2005年：滾石唱片公司時期

任賢齊退伍後發現新格唱片已被滾石唱片收購，自己變成該公司旗下歌手，喺呢段時間一邊主持電視節目一邊等機會發行新專輯，也是在這時佢開始玩起賽車。就喺佢列入滾石唱片解約藝人名單嗰時，小蟲留低咗佢，並為佢打造全新個人專輯《依靠》，喺半年後推出《心太軟》專輯。

任賢齊原本決定如果《心太軟》專輯銷售成績唔理想，將離開藝人身分，報考體育新聞記者，因為呢張專輯係唱片公司畀佢嘅最後機會，若果銷售紀錄都係無表現就會同佢解除合約關係，點知《心太軟》專輯喺亞洲創下號稱200萬張嘅銷售佳績，南京音像嘅正版發行量係100萬張。其中主打歌《心太軟》更紅遍中國大陸大街小巷，並喺亞洲地區獲得多個獎項，之後呢首歌喺華人圈無人唔知，小蟲講過若果「攞到（心太軟）所有版稅嘅話，可以買到一座紫禁城，但實際好大部分貢獻畀咗大陸嘅盜版商。」用嚟比喻《心太軟》喺大陸地區賣得非常好。

但直到1998年因《愛像太平洋》專輯喺台灣暢銷熱賣，至令佢由中國大陸紅返台灣，當時呢張專輯搭埋由佢主演嘅神鵰俠侶電視劇推出，喺同一時段八點檔創下高收視率，連帶令唱片大賣，喺台灣人氣亦隨之高漲。國際唱片業交流基金會統計嗰張專輯賣出咗120萬張，呢年佢喺台灣台北舉辦出道多年來，第一場個人演唱會。

靠滾石唱片豐沛嘅音樂創作人才，任賢齊喺呢段留下許多膾炙人口嘅作品，時至今日，只要係參加商業、公益演出或舉辦個人演唱會，喺滾石發行嘅歌曲重係佢嘅必唱曲，好似《對面的女孩看過來》、《再出發》、《我是一隻魚》、《心太軟》等。

2005年－2008年：百代唱片公司時期

2005年離開滾石唱片，加盟EMI旗下，EMI唱片係任賢齊歌唱生涯第三間公司。

2008年至今：東亞唱片公司時期

同百代唱片約滿後，2008年3月18號喺香港舉行加盟新公司記者會，以至少4千萬元簽約金成為東亞唱片旗下歌手，電影同唱片事業都由佢管理。

2010年同香港團體農夫合唱賀歲歌《紅包拿來》，並「自詡為最早唱Rap嘅歌手」。

2016年參加浙江衛視《誰是大歌神》，係第五期大歌神。

2019年，任賢齊同阿牛相隔十九年再度合作，並計劃喺熱浪島開演唱會。

2005年5月4號，任賢齊老婆喺台北中山醫院開刀生咗個女，英文名Rati係任賢齊同老婆Tina陳則妤，雙方英文名嘅頭尾，同時亦係佢代言車款Maserati最後四個英文字。2008年2月13號個仔Cody喺香港出世。

為兼顧工作同家庭生活，佢而家住喺香港。

電視劇

• 1992年：《意難忘》 飾 張大冠
• 1998年：《神鵰俠侶》 飾 楊過
• 2000年：《笑傲江湖》 飾 令狐沖
• 2001年：《新楚留香》 飾 楚留香
• 2004年：《富豪海灣至尊家緣》 飾 Richie
• 2016年：《無間道》 飾 程予人

電影

• 1999年：《星願》 飾 洋蔥頭
• 2000年：《夏日的麼麼茶》 飾 麼麼茶
• 2002年：《嫁個有錢人》 飾 阿誕
• 2003年：《絕種好男人》 飾 曾志偉（摩西）
• 2003年：《六樓后座》 飾 警察（客串）
• 2004年：《花好月圓》 飾 沈夢溪
• 2004年：《20 30 40》 飾 王
• 2004年：《大事件》 飾 陳一元
• 2004年：《韓城攻略》 飾 李傲文
• 2006年：《天生一對》 飾 張永威（V仔）
• 2008年：《大搜查之女》 飾 高高
• 2009年：《神鎗手》飾 方克明
• 2009年：《意外》飾 陳芳洲
• 2010年：《火龍》 飾 紀少群
• 2010年：《龍鳳店》 飾 明武宗／朱厚照
• 2010年：《唐伯虎點秋香2之四大才子》 飾 徐禎卿
• 2011年：《報應》 飾 姚啟初
• 2011年：《奪命金》 飾 張正方
• 2011年：《楊門女將之軍令如山》 飾 楊宗保
• 2011年：《傾城之淚》 飾 丁大可
• 2012年：《雙城計中計》 飾 千面鬼臉
• 2012年：《明天記得愛上我》 飾 偉中
• 2015年：《大囍臨門》 飾 任賢齊（客串）
• 2015年：《五月一號》 飾 林克銘
• 2015年：《落跑吧愛情》 飾 阿武
• 2016年：《樹大招風》 飾 葉國歡
• 2019年：《沉默的證人》 飾 唐世傑
• 2019年：《花椒之味》 飾 蔡浩山
• 2022年：《邊緣行者》 飾 駱志明（阿駱）
• 2022年：《失衡凶間》 飾 何歡
• 2024年：《臨時劫案》 飾 慕容輝

節目主持（ViuTV）

• 2016年：《Barter Game 價值連城》

綜藝節目

• 2006年：《全民大悶鍋》
• 2016年：《誰是大歌神》
• 2022年：《披荊斬棘》

導演作品

• 2015年：《落跑吧愛情》