蔡天鳳碎屍案: 2023年2月香港罪案

疑犯總共有7個：

涉嫌謀殺

• 前家翁鄺球（Kwong Kau）（球哥，案發時65歲），以前任職警長期間涉嫌強姦，隨後辭職。
• 前大伯鄺港傑（Anthony，案發時31歲），係蔡天鳳嘅私人司機。
• 前夫鄺港智（Alex，案發時28歲），本身因被控盜竊而被通緝。

涉嫌妨礙司法公正

• 前家姑李瑞香（Jenny／球嫂，案發時63歲）。

其他疑犯

• 鄺球情婦伍志榮（容容，案發時47歲），係個骨妹，涉及合租案發單位同提供單位畀鄺港智匿埋。
• 鄺港智男友人林舜（Lam Shun）（Henry，案發時41歲），係個遊艇公司職員，涉嫌收取三十萬港紙，協助鄺港智經水路由香港偷渡去澳門。
• 鄺港智女友人潘巧賢（Irene，案發時29歲），係個冇嘢撈嘅KOL，涉嫌聯絡林舜以協助鄺港智由香港偷渡去澳門。

2023年2月21號，蔡天鳳離開加多利山屋企，坐鄺港傑揸嘅車，打算去白石角科學園接渠同鄺港智生嗰個女放學，之後喺科進路開始失蹤，其親友於是報警，差人於24號凌晨拘捕鄺港傑、鄺球傍李瑞香，懷疑佢哋合謀殺死蔡天鳳，到同日下晝喺大埔區大美督龍尾村一間村屋入面搵到蔡天鳳嘅部份屍體殘肢。而同為殺人疑犯嘅鄺港智由於下落未明，被警方通緝，到25號下晝，渠喺東涌等緊大飛準備走佬嗰陣畀警方捕獲。又到26號下畫，警方喺尖沙咀街頭拘捕47歲嘅伍志榮，即係鄺球嘅情婦，懷疑佢協助窩藏鄺港智。之後到3月2日，警方喺上環再拘捕一個鄺港智嘅朋友，41歲嘅林舜，渠涉嫌收取三十萬元，協助鄺港智經水路由香港偷渡去澳門。再到3月6日，涉嫌協助犯案者嘅29歲潘巧賢喺大陸落網，渠亦係鄺港智嘅朋友，並喺3月7號引渡返港，押去天水圍警署調查。

• ◤名媛碎尸案 Part 133◢ 蔡天凤生前给子女留言 情感真挚令人动容
• 【時事人物】黑烏鴉吞噬「名媛」蔡天鳳 | 大紀元

• 周英杰
• 豹太
• 愛豹仕愛心慈善機構有限公司