足球守門員

守門員係喺足球比賽唯一可以用手掂波嘅球員，但係只限喺自己嗰方嘅禁區裏面，如果喺禁區以外用手掂波或者用手接自己隊友用腳回傳嘅波就會犯規。守門員嘅波衫要同自己嗰隊嘅其他球員有明顯分別。守門員喺場上承受好大壓力、亦係最關鍵嘅位置，因為守門員嘅失誤係好容易令到自己嗰方喺比賽失利。對守門員嘅信任係建立喺防止出現失誤同埋撲救能力嘅基礎上。優秀嘅守門員需要唔好因為失誤而受到影響，並可以從中吸取經驗同教訓。一次嘅失誤或者一次驚險嘅撲救，絕對唔係判斷守門員能力嘅唯一標準。守門員最基本嘅要素，係身手敏捷、反應夠快，有判斷力同有良好嘅撲救能力。除此之外，彈跳力好或者身材高大亦係對守門員有利嘅條件。

遺傳因素非常重要，但係佢必須同艱苦嘅訓練、恰當嘅指導同豐富嘅比賽經驗互相結合。雖然好難界定遺傳因素嘅定義，但係觀察一名年青守門員嘅時候，首先要注意佢嘅接波動作同步伐移動。而對於其他位置嘅隊員，就注重觀察球感，控制能力同埋速度。接波技術亦係守門員嘅基本功，如果冇正確判斷球速同接波嘅基本能力，要有發展嘅話係非常困難。同樣，守門員具備正確嘅揀位能力亦好重要。

• 耶辛（Yve Yassin，蘇聯）
• 保方（Gianluigi Buffon，意大利）
• 索夫（Dino Zoff，意大利）
• 簡尼（Oliver Kahn，德國）
• 卡斯拿斯（Íker Casillas Fernández，西班牙）
• 施治（Petr Čech，捷克）
• 彼得舒米高（Peter Boleslaw Schmeichel，丹麥）
• 雲達沙（Edwin Van der Sar，荷蘭）

• 守門員

呢篇足球守門員係同足球有啦掕嘅楔位文章，重未搞掂嘅。麻煩你幫手補充佢嘅內容。