頂你個肺

通常作為動詞，例如：

• 你條友仔出賣我，我頂你個肺！

有陣時會簡稱「頂」（音調拉長），但係會變助語詞，例如：

• 頂！你條友仔竟然出賣我！
• 你條友仔竟然出賣我？頂！（呢一句係上面嗰句嘅倒裝，意思大致一樣但係強調點唔同。)

需要譯做普通話時，一般可譯做「受不了你」，而更加粗俗。

2006年，中國大陸大收嘅一套戲《瘋狂的石頭》，裏頭一個角色講一句頂你個肺；一時成為中國北方嘅潮流用語，而家中國重未識廣東話嘅北方人一提起廣東話，即刻會諗起呢一句。

頂你個肺，有一說，語源係「屌你個塊屄」，性交咁解。但係粵語中有時將兩個字讀成一個字，例如「乜嘢」合成「咩」字，而「塊屄」亦變咗造個「肺」字。

另一說，頂你個肺，原本係「頂你個膽」，話說舊時有個女人為咗隱瞞自己已經有過性經驗，喺新婚夜行房之後，用墨水整污糟張床單、扮第一次性行為因為處女膜穿咗而流血嘅情況，點知用錯藍墨水，佢情急智生就咁講：『老公，你條陰莖好長，連我個膽都頂爆埋，膽汁都流埋出嚟喇。』啲人將「肺」換「膽」。

再有一說話頂你個肺係由「頂心頂肺」度嚟，之後畀人減字攞咗個意思，係畀人激親嘅激氣回應，總結嚟講「頂你」其實唔係粗口。

• 廣東話粗口研究網
• 和盗贼一起疯狂