神話: 傳統嘅敘事類型，內容多數天馬行空，嚟自原始社會

研究神話嘅學科叫神話學（粵拼：san4 waa2 hok6）。

神話成日畀人攞嚟同奇幻呢種體裁比較。

神話同好似《魔戒》或者《哈利波特》等嘅奇幻作品比，主要有兩樣分別：

• 奇幻由一個或者少數作者作，而神話喺一個族群內流傳：一份奇幻作品會有特定嘅作者，作者對故仔世界嘅嘢有話事權，能夠決定個故仔嘅真傳（canon；即係官方接受係故仔虛構世界一部份嘅嘢，相對於同人小說等讀者觀眾老作嘅嘢），例如對於「角色 A 係咪愛上咗角色 B」呢個問題嘅答案，最終話事權喺作者手上，讀者觀眾頂櫳都淨係有得猜測同寫同人小說；神話就唔同，神話故仔唔會有一個單一嘅作者，而係會喺一個族群之間嘅人流傳，每次有故仔俾人攞嚟講都可能會起變化（睇埋迷因），不過宗教權威可能會選取某啲神話故仔做佢哋嘅正典。
• 奇幻一般唔俾人當係真，神話俾好多人當真：奇幻作品嘅前題就係個故仔純屬虛構，所以正路唔會有人當故仔內容係真事；相比之下，流傳神話故仔嘅人好多時都會當啲故仔係真，例如古希臘嘅人會流傳有關宙斯等希臘神話天神嘅故仔，而且仲往往會拜宙斯，相信宙斯相關嘅故仔係真事。

• 亞洲：
  • 中國神話（睇埋廣府民間故事）
  • 蒙古神話
  • 日本神話
  • 韓國神話
  • 越南神話
  • 印度神話
  • 吠陀神話
  • 泰國神話
  • 柬埔寨神話
  • 古巴比倫神話
  • 西藏神話
• 歐洲：
  • 羅馬神話
  • 希臘神話
  • 北歐神話
  • 芬蘭神話
  • 蓋爾特神話，可以睇埋仙子相關嘅故仔。
  • 斯拉夫神話
  • 撒克遜神話
  • 瑞士神話
  • 意大利神話
  • 羅馬尼亞神話
  • 立陶宛神話
  • 以色列神話
• 非洲：
  • 埃及神話
  • 非洲神話
• 美洲：
  • 印第安神話
  • 馬雅神話
  • 阿茲特克神話
  • 印加神話
  • 瓜拉尼神話
• 大洋洲：
  • 澳洲神話
  • 毛利神話

• 英雄旅程：有關故仔同情節嘅一個概念；據呢個諗頭，神話同傳說硬係傾向會跟從一個例牌流程嘅；個故仔會講主角受到某啲力量感召出發去冒險，並且喺冒險途中遇上重大嘅危機，期間打低強大嘅對手，並且有所成長，最後平安返到屋企。以下呢段對英雄旅程嘅描述，取自 1949 年出版嘅英文書《千面英雄》：

  原文係英文，粵譯：
  （英雄旅程故仔講嘅係）一位英雄由平凡嘅世界出發，前往充滿咗超自然神奇嘢嘅地方；英雄喺嗰度遇上各種奇妙力量，並且得到一場決定性嘅勝利；英雄經歷完佢嘅神秘冒險之後返屋企，有能力施福畀佢嘅同伴。

  • 例如古希臘史詩《奧德修記》就被指係幾典型嘅英雄旅程。
• 高傲：希臘神話啲故仔成日提到「有人類自高自大，諗住自己同天神對等甚至超越天神，結果落得悲慘下場」噉嘅情節，例如掗克妮嘅故仔就係噉。亦可以睇埋天國戰爭嘅故仔。

• 神祇
• 寓言
• 史詩
• 人格化