文字(粵拼:man4 zi6)就係符號嘅一種,用嚟表示概念、記綠口語、事、物,用作人同人溝通嘅一種媒介。
有章法書寫之前,有原始書寫。多數有圖示符或速記符。
最古老嘅文字主要都係基於象形符號同埋表意符號呢啲元素嘅自然語標。大部分書寫系統都可以廣泛噉歸為三個類別:語標、 音節 同埋 字母 (亦或係 segmental);之但係,各種變化性好大嘅書寫系統入便是但揀出嘅任何一種,呢三種類別通通都可以喺其中搵倒。噉樣就通常就好難單一分類某一種書寫系統。嗰啲語標、音節同埋字母三者相混,好難分類嘅系統就經常用複雜系統嚟描述。
文字嘅種類 | 每個符號代表 | 例 |
---|---|---|
意音文字 | 語素 | 漢字 |
音節文字 | 音節 | 日文假名 |
字母 | 音素(子音或母音) | 拉丁字母 |
Abugida | 音素(子音+母音) | 印度天城文 |
輔音字母 | 音素(子音) | 阿拉伯字母 |
特徵字母 | 語音特徵 | 韓國嘅諺文 |
語標 係一個單獨寫出來嘅符號, 代表住一個文法上嘅字. 大部分中文字 都係語標.
每個符號代表一個字,準確啲係代表一個語素。
「字」係文字嘅組成部分,係意思嘅基本部份。有啲有基本意思,未必成字,例唐文拆字細件,或者英文字綴。字可以組成一句嚟讀,一句讀組成辭。古時嘅「字」同現代嘅「詞」,意思部分重疊。
華夏講字,有兩重意思,一種為單字,逐個單字理解,如說文咁,解林單字,「平土有叢木曰林。」另一種唔理單字定多字,按意思為一字,好似爾雅咁,釋訓有「明明斤斤,察也」,明明斤斤視為一字。又釋天,「大歲在寅曰攝提格」,「攝提格」為一字咁。
按周禮後人加註,「古曰名,今曰字。滋益而名,故更曰字。」上古叫字做名,叫字因為佢衍生繁多。亦即事物畀得名就係字,無話單個定多個。近世或有唔明解,或想將兩者分開,改叫辭,或叫詞,反而造成混亂。辭同詞經常通假,然意思各異,之不過,都同講嘢有關。不過都無拆細基本元素嘅意思。辭同詞,一句又得,長到成篇咁又得,如楚辭、陳辭、宋詞、曲詞。
喺語言學上,「字」喺中文係書寫單位,各佔一個方塊,幾千個常用,數以萬計或更多個少見,詞/詞語係意思單位,多數由一至幾個「字」組成。喺拼音文字當中,書寫單位叫「字母」,意思單位叫「字」、「詞」或「詞語」——以上三者喺本句之中同義。
This article uses material from the Wikipedia 粵語 article 文字, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.